சமீபத்திய செய்தி

ஓ.பன்னீர்செல்வம் டெல்லி விரைவு

சென்னை, ஆக.13:மகாராஷ்டிரா மாநிலம் ஷிங்னாபூர் சனீஸ்வரர் கோயிலில் இன்று காலை சாமி தரிசனம் செய்து சிறப்பு வழிபாடு செய்த ஓ.பன்னீர்செல்வம் அங்கிருந்து உடனடியாக புனே சென்றார் இந்று பிற்பகல் 3 மணிக்கு விமானத்தில் டெல்லி விரைகிறார்.

நாளை காலை 11 மணி அளவில் பிரதமர் நரேந்திர மோடியை அவர் சந்தித்து பேச நேரம் ஒதுக்கப்பட்டுள்ளது.அதிமுக இணைப்பில் ஏற்பட்டுள்ள
சிக்கல் இந்த சந்திப்புக்கு பிறகு தீரும் என அரசியல் வட்டாரத்தில் பரபரப்பாக எதிர்பார்க்கப்படுகிறது. டெல்லியில் நடைபெற்ற துணை ஜனாதிபதி வெங்கையா நாயுடு பதவியேற்பு விழாவில் பங்கேற்பதற்காக சென்றிருந்த ஓ.பன்னீர்செல்வம் பிரதமர் மோடியை சந்திப்பார் என்று எதிர்பார்க்கப்பட்டது. ஆனால் இந்த சந்திப்பு நடைபெறவில்லை.

டெல்லியில் இருந்த ஓ.பன்னீர்செல்வம் அங்கிருந்து மகாராஷ்டிர மாநிலம் சென்றார். நேற்று ஷீரடியில் உள்ள சாய்பாபா கோயிலுக்கு சென்று சாமி தரிசனம் செய்தார். இன்று காலை ஷிங்னாபூர் என்ற இடத்திலுள்ள பிரசித்தி பெற்ற சனீஸ்வரர் கோயிலுக்கு சென்று வழிபட்டார். ஓ.பன்னீர்செல் வம் நடத்திய வழிபாட்டில் மைத்ரேயன், கே.பி.முனுசாமி, செம்மலை, மனோஜ் பாண்டியன் உள்ளிட்டோரும் கலந்துகொண்டனர்.

இதனிடையே மோடியை நேற்று முன்தினம் பன்னீர் செல்வம் சந்திக்காதது குறித்து பரபரப்பான தகவல்கள் வெளியாகி உள்ளன. துணை முதலமைச்சர் பதவி மற்றும் ஒருங்கிணைப்பு குழுத்தலைவர் பதவி ஆகியவற்றை பன்னீர்செல்வத்துக்கு வழங்க இபிஎஸ் அணியினர் முன்வந்தனர். ஆனால் ஓபிஎஸ் அணியினர் இதற்கு சம்மதம் தெரிவிக்கவில்லை.

ஜெயலலிதாவின் மரணம் குறித்து விசாரணை, சசிகலா குடும்பத்தினரை கட்சியில் இருந்து நீக்குவது ஆகிய இரு கோரிக்கையில் உறுதியாக இருந்தனர்.
தினகரனின் துணை பொதுச்செயலாளர் நியமனம் செல்லாது என்று எடப்பாடி பழனிசாமி தலைமையில் நடைபெற்ற அதிமுக நிர்வாகிகள் கூட்டத்தில் தீர்மானம் நிறைவேற்றப்பட்டது குறித்து ஓ.பன்னீர்செல்வம் கூறுகையில் அவர்கள் பாதி தான் வந்து இருக்கிறார்கள். இன்னும் பாதி வரவேண்டும் என்றார்.
இதற்கு பதிலளித்த மக்களவை துணை சபாநாயகர் தம்பிதுரை , இபிஎஸ் அணியினர் பாதி வந்த பிறகு இன்னொரு பாதியை ஓபிஎஸ் அணியினர் செய்ய வேண்டும் அப்போது தான் இணைப்பு விரைவில் நடைபெறும் என்றார்.

டெல்லியில் பிரதமரை சந்திக்காதது ஏன் என்று ஓபிஎஸ் அணியை சேர்ந்த கே.பி. முனுசாமியிடம் கேட்டதற்கு அதற்கு அவசியம் இல்லை என்றார்.
இதனிடையே தினகரனின் நியமனம் செல்லாது என்று நிறைவேற்றப்பட்ட தீர்மானம் அடிப்படையில் இரட்டை இலை சின்னம் தங்களுக்கே ஒதுக்கப்பட வேண்டும் என வலியுறுத்தி ஒபிஎஸ் அணியினர் தேர்தல் ஆணையத்திடம் புதிய மனு தாக்கல் செய்து இருப்பது எடப்பாடி அணியினருக்கு அதிருப்தியை ஏற்படுத்தி இருப்பதாக கூறப்படுகிறது.

இந்த நிலையில் மும்பையில் தங்கியிருந்த ஓ.பன்னீர்செல்வம் மத்திய அமைச்சர் நிதின் கட்காரியை இன்று சந்திப்பார் என்று எதிர்பார்க்கப்படுகிறது. இந்த சந்திப்பின்போது அதிமுக இணைப்பு குறித்து முக்கிய திட்டம் இறுதிப்படுத் தப்படலாம் என்று கூறப்படுகிறது.

இந்த நிலையில் அவர் மும்பையில் இருந்த உடனடியாக டெல்லி செல்வார் என்று அவருக்கு நெருக்கமான வட்டாரங்கள் கூறுகின்றன.சுதந்திர தினத்திற்குள் இணைந்து விட வேண்டும் என்று பிஜேபி மேலிடம் கெடு விதித்து இருப்பதாக செய்திகள் வெளியாயின. இந்த கெடு முடிவடைவதற்கு இன்னும் ஒரே நாளே இருப்பதால் அதற்குள் மோடியை சந்திக்க ஏற்பாடு செய்யப்பட்டு வருகிறது.

நாளை மறுதினம் சுதந்திர தினம் என்பதால் பிரதமர் சுறுசுறுப்பாக இருப்பார். எனவே நாளை காலை 11 மணிக்கு மோடி – ஓபிஎஸ் சந்திப்புக்கு ஏற்பாடு செய்யப்பட்டிருப்பதாக டெல்லி தகவல்கள் கூறுகின்றன.

நீட் தேர்வு: கமல் புதிய டுவிட்

சென்னை, ஆக.13: நீட் தேர்வில் விலக்கு அளிப்பது குறித்து காலம் தாழ்த்தாமல் உடனே பேசி நடவடிக்கை எடுக்க வேண்டும் என்று நடிகர் கமல்ஹாசன் தனது டுவிட்டர் பக்கத்தில் தெரிவித்துள்ளார்.இன்று சென்னையில் செய்தியாளர்களிடம் பேசிய மத்திய அமைச்சர் நிர்மலா சீத்தாராமன், நீட் தேர்விலிருந்து தமிழகத்திற்கு முழு விலக்கு அளிக்க வாய்ப்பில்லை,அவசர சட்டம் கொண்டு வந்தால் ஓராண்டுக்கு விலக்கு அளிக்க ஒத்துழைப்பு அளிக்கப்படும் என்றார். இதுகுறித்து தனது டுவிட்டர் பக்கத்தில் இது குறித்து நடிகர் கமல்ஹாசன், நீட்தேர்வை ஒத்திப்போட மத்திய அரசு ஒத்துழைக்குமாம். குதிரைகளை பிற்பாடும் பேரம் பேசலாம், மாணவர் எதிர்காலம் பற்றியது, தயைகூர்ந்து உடனே பேசுங்கள் என்று டுவிட்டரில் கூறியுள்ளார்.

அதிமுகவை நாங்கள் இயக்க நினைக்கவில்லை
அடித்து சொல்கிறார் தமிழசை.
சென்னை ஆக 13.
அதிமுகவை நாங்கள் இயக்க நினைக்கவில்லை என்று தமிழசை தெரிவித்தார்.
தமிழக பாஜக தலைவர் தமிழிசை சௌந்தரராஜன் சென்னையில் செய்தியாளர்களுக்கு
பேட்டி அளித்தார்.
தமிழக அரசியலில் உள்ள குழப்பங்களுக்கு பாஜக எந்தவிதத்திலும் காரணமல்ல.ஏதோ
அதிமுக அணிகள் பாஜக பின்னிருந்து பயமுறுத்திப் பணிய வைக்கிறது என்று
திருநாவுக்கரசர் மீண்டும் மீண்டும் சொல்லிக்கொண்டிருப்பதில்ல் அர்த்தமே
இல்லை.அவர் பாஜகவிலிருந்து சென்றவர்தான்ள.பாஜக நடைமுறைகள் பற்றி அவரும்
அறிந்த ஒன்றுதான்.தமிழகத்தில் ஆட்சி நிலையான ஆட்சியாக அமைய வேண்டும்
என்பதே பாஜகவின் நோக்கம்.எனவேதான் அதிமுக பிளவு இல்லாமல் ஒன்றுபடவேண்டும்
என்று விரும்புகிறது-.மத்திய,மாநில அரசுகளிடம் இணக்கம் தேவை என்றுதான்
நினைக்கிறோமே தவிர இயக்க நினைக்கவில்லை.இரண்டாக இருப்பவர்கள் இணைந்தால்
இரட்டை இலையும் கிடைக்கும் என்பதை அவர்கள் அறிந்திருக்கிறார்கள்.திமுக
செயல் தலைவர் ஸ்டாலின் குழப்பிய குட்டையில் மீன்பிடிக்கப்
பார்க்கிறார்.தேவைப்பட்டால் மீண்டும் நம்பிக்கையில்லா தீர்மானம் கொண்டு
வருவதாகக் சொல்லும்போதே நம்பிக்கையின்மையோடு சொல்கிறார்.தற்போது மாநில
அரசுக்கு நல்ல திட்டங்கள் கிடைக்கவேண்டும் என்பதற்காக இணைக்கமாக
செயல்படுகிறோம்.சென்ற முறை சட்டகிழிப்பு அரசியல் நடத்தி செய்திகளில்
வந்ததுபோல செய்திகளுக்காக மட்டுமே இந்த அறிவிப்பு பயன்படும்.நடைமுறை
சாத்தியமில்லை.தமிழகத்திற்க்கு தேசிய தலைவர் அமித் ஷா வருவது அரசியலில்
ஒரு பெரும் தாக்கத்தை ஏற்படுத்தும்.காங்கிஸ்,திமுக ஆட்சியில்
கொண்டுவரப்பட்ட நீட் தேர்வுக்கு எதிராக அவர்களே இன்று முரண்பட்டு பேசுவது
ஆச்சரியமாக உள்ளது.
இவ்வாறு தெரிவித்தார்.

அதிமுக அமோக வெற்றி பெறும்
மக்கள் ஆய்வு கருத்து கணிப்பு முடிவுகள்

சென்னை, ஆக, 30

தமிழ்நாட்டின் மாநில அளவில் மக்கள் ஆய்வு நடத்திய கருத்துகணிப்பில் வரும் 2016 ம் சட்ட மன்ற தேர்தலில் அதிமுகவிற்கு வெற்றிவாய்ப்பு அதிகரித்து வருவதாகவும், திமுக தலைவர் கருணாநிதியின் செல்வாக்கு சரிவடைவதாகவும் தெரிவிக்கப்பட்டுள்ளது.

தமிழகத்தின் 28 மாவட்டங்களில் உள்ள 80 சட்டமன்ற தொகுதிகளில் வெவ்வேறு கல்லூரிகளை சேர்ந்த மாணவர்கள் அடங்கிய மக்கள் ஆய்வு குழுவினர் பேராசிரியர் ராஜநாயகத்தின் வழிநடத்துதலில்படி கருத்து கணிப்பில் ஈடுபட்டனர். மக்களை நேரடியாக பாதிக்கும் முக்கிய பிரச்சனைகளை அடிப்படையாக வைத்தும், அப்பிரச்சனைகளை திறமையுடன் கையாண்டு, தீர்வு காணும் மக்கள் பிரதிநிதிகளின் செயல்பாட்டு முறையினையையும் அடிப்படையாகக் கொண்டு கருத்து கணிப்புகள் நடத்தப்பட்டன.
அதிமுகவின் செயல்பாடு:
தமிழகத்தில் அளவிலாது இருந்த மின் தட்டுப்பாட்டை போக்க ஜெயலலிதா தலைமையிலான அதிமுக அரசு மேற்கொண்ட நடவடிக்கைகளில் 65.1 சதவீதத்தினர் நன்று எனவும், பொது விநியோக திட்டங்களில் ஒழுங்கான நடவடிக்கைகளை எடுத்துள்ளன என 63.9 சதவீதத்தினரும், மக்கள் நலதிட்ட செயலாக்கம் சிறப்பாக உள்ளதாக 51.9 சதவீதத்தினரும் தெரிவித்துள்ளனர். மக்கள் ஆய்வு குழுவினர் 2014 ம் ஆண்டு நடத்திய கருத்து கணிப்போடு ஒப்பிடுகையில் அதிமுகவில் சில அம்சங்களில் மேலும் முன்னேற்றம் ஏற்பட்டுள்ளதாகவும், வேறு பல அம்சங்களில் குறிப்பிட தகுந்த அளவில் எந்த மாற்றமும் நிகழாமல் இருப்பதாகவும் சுட்டிக்காட்டப்பட்டுள்ளன.
அதிமுக அரசு நடைமுறைப்படுத்தி வரும் விலையில்லா மின் விசிறி, மிக்ஸி, கிரைண்டர் வழங்கும் திட்டத்தை 89 சதவீதத்தினர் வரவேற்று உள்ளனர். திருமண உதவித் தொகை வழங்கும் திட்டம் 73.6 சதவீதத்தினரை கவர்ந்து உள்ளதாகவும், பள்ளி மாணவர்களுக்கு வழங்கும் விலையில்லா மடிக்கணினி திட்டத்தை 72.8 சதவீதத்தினர் பாராட்டியுள்ளனர், முதியோர் உதவித் தொகை திட்டத்தை 69.7 சதவீதத்தினரும் வரவேற்று உள்ளனர், மலிவு விலை அம்மா உணவகத்தின் செயல்பாட்டினை 56.2 சதவீத்தினரையும் கவர்ந்துள்ளதாக அக்கருத்து கணிப்பில் குறிப்பிடப்பட்டுள்ளது.
அதிமுக அரசின் செயல்திறன் :
அதிமுக அரசு பொறுப்பேற்ற 2011 மே முதல் 2014 செப்டம்பர் வரை ஜெயலலிதா முதல்வராக இருந்தபோது அவரின் செயல்பாடுகள் திருப்திகரமாக இருந்ததாக 59.1 சதவீதத்தினர் தெரிவித்துள்ளனர். பின் பன்னீர்செல்வம் முதல்வராக இருந்தபோது தமிழக அரசின் செயல்பாடுகள் அவ்வளவு திருப்திகரமாக இல்லை எனவும் தற்போது மீண்டும் தமிழக முதலமைச்சராக ஜெயலலிதா பதவியேற்ற பிறகு மீண்டும் அரசின் செயல்பாடுகள் திருப்திகர அளவை அதிகரித்து வருவதாக தெரிவிக்கப்பட்டுள்ளது.
வரும் 2016 சட்ட மன்ற தேர்தல் வரை ஜெயலலிதாவின் தற்போதைய அணுகுமுறையே தொடர்ந்தால் பெருவாரியான இடங்களை வென்று அதிமுக ஆட்சியை தக்கவைக்கும் என 24.7 சதவீதத்தினரும், அதிமுகவுக்கும் திமுகவிக்கும் இடையே கடும் போட்டி நிலவும், கூட்டணி பலத்தை பொருத்தே முடிவு அமையும் என 26.2 சதவீதத்தினரும், திமுக வுக்கு ஆட்சி அமைக்கும் அளவு பெரும்பாண்மை கிடைக்காவிட்டாலும் அதிமுகவை விட அதிக இடங்களை வெல்லும் என 22.6 சதவீதத்தினரும், திமுக பெருவாரியான இடங்களை கைப்பற்றி ஆட்சியை பிடிக்கும் என வெறும் 8.3 சதவீதத்தினர் மட்டுமே தெரிவித்துள்ளதாக அம்முடிவுகள் அமைந்துள்ளன.
கூட்டணி மாறும் கட்சிகள் :
தேர்தலுக்கு தேர்தல் அரசியல் கட்சிகள் அணியை மாற்றி கூட்டணி வைத்துக் கொள்ளும் போக்கு குறித்து கேட்கப்பட்ட கேள்விகளுக்கு அரசியலில் இது சகஜம், பெரிதாக எடுத்துக்கொள்ளக் கூடாது என 58.1 சதவீதத்தினரும், கூட்டணிக் கட்சிகளின் அணுகுமுறைகளில் முரண்பாடுகள் வரும்போது அணிமாறுவது தவிர்க்க முடியாததாகி விடுகிறது என 17.4 சதவீதத்தினரும், அரசியல் கட்சிகளுக்கு கொள்கை முக்கியமல்ல தேர்தலில் வெற்றி பெறுவது மட்டுமே இலக்கு என 12.8 சதவீதத்தினரும், அடிக்கடி அணி மாறும் கட்சிகளைத் தடைசெய்வது நல்லது என 8.2 சதவீததினரும் தெரிவித்துள்ளனர்.
முதல்வர் ஜெயலலிதாவும் பிரதமர் மோடியும் சமீபத்தில் சந்தித்ததைத் தொடர்ந்து இரு கட்சிகளின் கூட்டணிக்கான வாய்ப்பு அதிகமாக உள்ளது என 37 சதவீதத்தினரும், அதற்கான சாத்தியம் இருப்பதை மறுக்க முடியாதென 23.1 சதவீதத்தினரும், கொஞ்சம் கூட வாய்ப்பு இல்லையென 13.9 சதவீதத்தினரும் தெரிவித்துள்ளனர்.
மீண்டும் முதல்வராக ஜெயலலிதா:
தற்போதைய அரசியல் சூழ்நிலையே தொடர்ந்து நீடித்தால் 2016 ம் ஆண்டு நடக்கவிருக்கும் சட்ட மன்ற தேர்தலில் அதிமுகவுக்கே அதிகப்படியான வெற்றி வாய்ப்பு இருப்பதாக 34.1 சதவீதத்தினர் தெரிவித்துள்ளனர் அதற்கு அடுத்த படியாக திமுகவிற்கு 32.6 சதவீதம் வாய்ப்பும், தேமுதிகவிற்கு 4 சதவீத வாய்ப்பும், பாமாகவிற்கு 3 சதவீத வாய்ப்பும் இருப்பதாக அக்கருத்து கணிப்பு தெரிவித்துள்ளது.
கருணாநிதி செல்வாக்கு சரிகிறது :
அரசியல் கட்சித்தலைவரின் தகுதி, திறமை, வாய்ப்பு அடிப்படையில் எந்த தலைவருக்கு மக்கள் மத்தியில் அதிகப்படியான செல்வாக்கு உள்ளது என அறியப்பட்ட கருத்துக் கணிப்பில் அதிமுகவின் பொதுச்செயலாளரும், தமிழக முதலமைச்சருமான ஜெயலலிதா 31.56 சதவீத மக்கள் ஆதரவு தெரிவித்தும், யாரும் எதிர் பார்க்காத வகையில் திமுக கருணாநிதி 21.33 சதவீதம் பெற்று மூன்றாம் இடத்திற்கும் அவருக்கு முன்னோடியாக அக்கட்சியின் பொதுச்செயலாளர் ஸ்டாலின் இரண்டாம் இடத்திலும் உள்ளார். இந்த முடிவை அடிப்படையாக வைத்து பார்க்கும் போது மக்கள் மத்தியில் கருணாநிதியின் செல்வாக்கு சரிவடைந்தது நிரூபிக்கப்பட்டுள்ளது.