0
0
ஜிஷான்: சவுதி அரேபியாவின் மேற்கு பகுதியிலுள்ள ஜிஷான் நகரில் ஏற்பட்ட பயங்கர சாலை விபத்தில் 9 இந்தியர்கள் உயிரிழந்துள்ளனர். மொத்தமாக 15 பேர் உயிரிழந்த இந்த சம்பவம், அனைவரையும் அதிர்ச்சியடையச் செய்துள்ளது.
இந்திய தூதரகம் உறுதி – முழுமையான ஆதரவு!
சவுதி அரேபியாவின் ஜெட்டா நகரில் உள்ள இந்திய தூதரக அதிகாரிகள், விபத்தில் உயிரிழந்தவர்களின் குடும்பத்தினருடன் தொடர்பில் இருப்பதாகவும், அவர்களுக்கு முழுமையான ஆதரவளிக்கப்படும் எனவும் உறுதி அளித்துள்ளனர்.
தூதரகம் வெளியிட்ட அறிக்கையில்:
“உயிரிழந்த இந்தியர்களின் குடும்பத்தினருக்கு ஆழ்ந்த இரங்கலை தெரிவித்துக்கொள்கிறோம். ஜெட்டா இந்திய துணைத் தூதரக அதிகாரிகள் அவர்களுடன் தொடர்பில் இருந்து அனைத்து தேவையான உதவிகளையும் வழங்குவார்கள்.” என குறிப்பிடப்பட்டுள்ளது.
மத்திய வெளியுறவுத்துறை அமைச்சர் ஜெய்சங்கரின் இரங்கல்
இந்த சம்பவம் குறித்து மத்திய வெளியுறவுத்துறை அமைச்சர் ஜெய்சங்கர் தனது X (முன்பு ட்விட்டர்) பக்கத்தில்,
“சவுதியில் நடந்த சாலை விபத்து குறித்து கேள்விப்பட்டதில் மனவேதனை அடைந்தேன். பாதிக்கப்பட்ட குடும்பங்களுக்கு இந்திய அரசு முழுமையான உதவியை வழங்கும். தூதரக அதிகாரிகள் அவர்களுடன் தொடர்ச்சியாக தொடர்பில் உள்ளனர்.” என தெரிவித்தார்.
சிறப்பு ஹெல்ப்லைன் அறிவிப்பு!
விபத்தில் காயமடைந்தவர்களுக்கு உடனடி சிகிச்சை அளிக்கப்பட்டு வருகிறது. மேலும், பாதிக்கப்பட்டோர் மற்றும் அவர்களின் குடும்பத்தினர் தொடர்பு கொள்ள, சிறப்பு ஹெல்ப்லைன் நம்பர் அமைக்கப்பட்டுள்ளதாக அறிவிக்கப்பட்டுள்ளது.
இந்த விபத்து, இந்தியாவில் உள்ள உறவினர்கள் மற்றும் பொதுமக்களில் பெரும் வருத்தத்தை ஏற்படுத்தி உள்ளது.
