அமெரிக்காவில் இருந்து நாடு திரும்பிய இந்தியர்கள் – கை விலங்குடன் அழைத்துவந்ததால் சர்ச்சை

அமெரிக்காவில் இருந்து இரண்டாவது ராணுவ விமானத்தில் பஞ்சாப் திருப்பி அனுப்பப்பட்ட சட்டவிரோத குடியேறிகள், கைகளை விலங்கிடப்பட்டும், கால்களை சங்கிலியால் கட்டப்பட்டும் அழைத்து வரப்பட்டதற்கான வீடியோ வெளியாகி பெரும் சர்ச்சையை உருவாக்கியுள்ளது.

“வெப்பம், குளிர், பேரழிவுகளையும் வெல்லும் நீர்க்கரடி!”

சமீபத்திய செய்தி!!!

ட்ரம்ப் உத்தரவு & எதிர்ப்புகள்

அமெரிக்காவின் புதிய அதிபராக டொனால்ட் ட்ரம்ப் பதவியேற்றதையடுத்து, சட்டவிரோத குடியேறிகளை கண்டறிந்து, அவர்களது சொந்த நாடுகளுக்கு ராணுவ விமானங்களில் திருப்பி அனுப்ப அவர் உத்தரவிட்டார்.

அந்த உத்தரவின் படி, கடந்த 5ஆம் தேதி, 104 இந்தியர்கள் நாட்டிற்கு திருப்பி அனுப்பப்பட்டனர். அவர்களை கைகளில் விலங்கு, கால்களில் சங்கிலியுடன் அனுப்பியதற்கான வீடியோ வெளியாகி, மனித உரிமை மீறலாக எதிர்க்கட்சிகள் கடும் எதிர்ப்பு தெரிவித்தன. டெல்லியில் அமெரிக்க அதிபர் ட்ரம்பின் உருவபொம்மை எரிக்கப்பட்டது.

இந்த விவகாரத்தால், இந்தியர்களை மனிதாபிமான முறையில் திருப்பி அனுப்புமாறு அமெரிக்காவிடம் இந்திய அரசு வலியுறுத்தியிருக்கும் என எதிர்பார்க்கப்படுகிறது.

பிரச்னையில் அகப்பட்டவர் – உண்மைகள் வெளியேறுகிறதா?

இரண்டாவது விமானத்தில் திரும்பிய பஞ்சாப் மாநிலம் ஹோசியார்பூர் சேர்ந்த தல்ஜித் சிங் கூறுகையில்,
“பயணத்தின் போது எங்களது கைகளில் விலங்கு, கால்கள் சங்கிலியால் கட்டப்பட்டிருந்தது.” என தெரிவித்தார்.

அவரது மனைவி கமல்ப்ரீத் கவுர்,
“எனது கணவரை அமெரிக்காவுக்கு சட்டப்பூர்வமாக அழைத்து செல்வதாக ஒரு டிராவல் ஏஜென்ட் உறுதி அளித்தார். ஆனால், அவர் பல நாடுகள் வழியாக சட்டவிரோதமாக அழைத்துச் செல்லப்பட்டார்.” என்று கூறினார்.

பஞ்சாபில் இறங்கிய பயணிகள்

பஞ்சாபில் நேற்று முன்தினம் வந்த இந்த இந்தியர்கள் அனைவரும் சுகாதார பரிசோதனைக்குப் பின்னர், நேற்று அதிகாலை 4.30 மணியளவில் சொந்த மாநிலங்களுக்கு அனுப்பி வைக்கப்பட்டனர்.

இந்த விவகாரம், அமெரிக்கா – இந்தியா உறவுக்கு புதிய சிக்கலை ஏற்படுத்துமா? அல்லது அதற்கு இந்திய அரசு உரிய பதிலளிக்குமா? என்பது எதிர்பார்ப்பு எழுப்பியுள்ளது.