சிவகார்த்திகேயன் – ஏ.ஆர்.முருகதாஸ் கூட்டணியில் உருவாகும் புதிய படத்துக்கு வித்தியாசமான பெயர்.

சிவகார்த்திகேயன் நடிப்பில் சமீபத்தில் வெளியான ‘அமரன்’ படம் மிகப்பெரிய வெற்றியை பெற்றது. உலகளவில் ₹350 கோடி வரை வசூல் செய்த இந்த படம், அவரது கரியரில் முக்கியமான மைல்கல்லாக மாறியது. தற்போது, சுதா கொங்கரா இயக்கத்தில் ‘பராசக்தி’ படத்தில் நடித்து வரும் சிவா, அதற்குப் பிறகு ஏ.ஆர்.முருகதாஸ் இயக்கத்தில் நடிக்க இருக்கிறார்.இன்று (பிப்ரவரி 17) சிவகார்த்திகேயன் தனது 40ஆவது பிறந்தநாளை கொண்டாடும் நிலையில், அவரது புதிய படத்தின் பெயர் அதிகாரப்பூர்வமாக வெளியிடப்பட்டுள்ளது. அந்த படம் ‘மதராஸி’ என பெயரிடப்பட்டுள்ளது.

அமரன் வெற்றியும், சிவாவின் வளர்ச்சியும்

சிவகார்த்திகேயன் ‘டாக்டர்’, ‘டான்’ ஆகிய படங்கள் மூலம் ₹100 கோடி கிளப்பில் சாதனை படைத்தார். ஆனால், அதன் பிறகு ‘பிரின்ஸ்’ படம் எதிர்பார்த்தளவுக்கு பரவலாக பார்க்கப்படவில்லை. இதனால், அவரின் மார்க்கெட் குறையலாம் என சிலர் நினைத்தாலும், ‘மாவீரன்’ மற்றும் ‘அயலான்’ படங்களின் வெற்றியால் அவர் மீண்டும் ரீஎண்ட்ரி கொடுத்தார். அதே நேரத்தில், ‘அமரன்’ படம் இவரின் சினிமா வாழ்க்கையில் மிகப்பெரிய வளர்ச்சியை ஏற்படுத்தியது.‘அமரன்’ திரைப்படம் மேஜர் முகுந்த் வரதராஜனின் வாழ்க்கை சார்ந்ததாக உருவாகியது. ராஜ்குமார் பெரியசாமி இயக்கத்தில், கமல் ஹாசன் தயாரித்த இப்படத்தில் சாய் பல்லவி கதாநாயகியாக நடித்தார். ரசிகர்கள் முதல் விமர்சகர்கள் வரை இப்படத்தை கொண்டாட, வசூல் ரீதியாக ₹350 கோடி வரை ஓடியது. இது சிவகார்த்திகேயனின் உயர்ந்த வசூல் பெற்ற திரைப்படமாக விளங்குகிறது.

ஏ.ஆர்.முருகதாஸுடன் புதிய படத்தில் எஸ்கே

‘அமரன்’ வெற்றிக்கு பின், சிவகார்த்திகேயன் ‘பராசக்தி’ படத்தில் நடித்து வருகிறார். அதே நேரத்தில், ஏ.ஆர்.முருகதாஸ் இயக்கத்தில் அவர் ஒப்பந்தமாகியுள்ளார்.முருகதாஸ், கடந்த சில வருடங்களாக பெரிய வெற்றி படங்களை கொடுக்காததால், இந்த கூட்டணி அவரது கம்பேக் ஆக இருக்கலாம். இதில் ருக்மிணி கதாநாயகியாக நடிக்கிறார்.

‘மதராஸி’ – பக்கா ஆக்ஷன் படம்!

இன்றைய பிறந்த நாள் கொண்டாட்டத்தின் போது, சிவகார்த்திகேயன் – ஏ.ஆர்.முருகதாஸ் இணையும் புதிய படத்துக்கு ‘மதராஸி’ என பெயர் வைக்கப்பட்டுள்ள தகவல் வெளியாகியது.இந்த டைட்டில் க்ளிம்ப்ஸ் வீடியோவில், படம் ஒரு அக்சன் பேக்கெட் ஆக உருவாகி வருவதை உறுதிப்படுத்தியுள்ளது. மேலும், இப்படம் பான் இந்தியா ரிலீஸ் ஆகவுள்ளது என்பதும் குறிப்பிடத்தக்கது.சிவகார்த்திகேயன் – ஏ.ஆர்.முருகதாஸ் கூட்டணியில் உருவாகும் ‘மதராஸி’ படம் எப்படி இருக்கும்? இந்த கூட்டணி ரசிகர்களுக்கு எந்தளவுக்கு மகிழ்ச்சி தரும்? என்பதை அறிய அனைவரும் எதிர்பார்க்கிறார்கள்.