கொழும்பு: இலங்கையின் முன்னாள் அதிபர் மகிந்த ராஜபக்சவின் மகன் நாமல் ராஜபக்ச, முறைகேடு வழக்கில் குற்றவாளி என இலங்கை உயர் நீதிமன்றம் தீர்ப்பளித்துள்ளது. 2015ஆம் ஆண்டு இந்திய முதலீட்டை முறைகேடாக பயன்படுத்தியதாக தொடரப்பட்ட வழக்கில் நீதிமன்றம் இந்த தீர்ப்பை வழங்கியுள்ளது.
ஊழல் புகார் – 70 மில்லியன் இலங்கை ரூபாய் மோசடி!
38 வயதான நாமல் ராஜபக்ச, க்ரிஷ் ஹோட்டல் திட்டத்தின் பணத்தில் இருந்து 70 மில்லியன் இலங்கை ரூபாய் முறைகேடாக பயன்படுத்தியதாக குற்றஞ்சாட்டப்பட்டது.
கொழும்பு வர்த்தக மாவட்டத்தில் இந்த க்ரிஷ் ஹோட்டல் திட்டம் துவங்கப்பட்ட நிலையில், முறைகேடு காரணமாக திட்டம் கைவிடப்பட்டது.
இதனால் அரைக்கட்டப்பட்ட கட்டிடமும் பாதுகாப்பற்ற நிலையில் இருந்து வருகிறது.
இந்த விவகாரத்தை நீதிமன்றமும் விசாரித்து வந்தது.
அண்மையில் மீண்டும் தீவிரம் – தேசிய மக்கள் சக்தி அரசின் நடவடிக்கை!
2016ஆம் ஆண்டுக்குப் பிறகு இந்த வழக்கு தடைப்பட்டது.
அண்மையில் அநுர குமார திஸாநாயக்க தலைமையிலான தேசிய மக்கள் சக்தி அரசு ஆட்சிக்கு வந்தது.
ஊழலில் ஈடுபட்டவர்களுக்கு கடும் நடவடிக்கை என அறிவித்த அரசு, மறுபடியும் வழக்கை தீவிரப்படுத்தியது.
இதன் மூலம் நாமல் ராஜபக்ச மீதான விசாரணை மீண்டும் தொடங்கியது.
முன்னதாக யோஷித ராஜபக்ச கைதாகிய செய்தி!
மகிந்த ராஜபக்சவின் இளைய மகன் யோஷித ராஜபக்ச குறித்தும் ஊழல் புகார் எழுந்தது.
அவர் சமீபத்தில் கைது செய்யப்பட்டார். இதனால் ராஜபக்ச குடும்பம் கடும் சர்ச்சையில் சிக்கியுள்ளது.
இதேவேளை, தங்கள் மீது உள்ள அனைத்து குற்றச்சாட்டுகளையும் மறுத்துள்ள ராஜபக்ச குடும்பம், இது அரசியல் பழிவாங்கல் என்று கூறியுள்ளது.
