0
0
திருநெல்வேலி: முதலமைச்சர் மு.க. ஸ்டாலின் இன்று மாஞ்சோலை பகுதிக்கு கள ஆய்விற்காக வந்தபோது, தொழிலாளர்கள் அவரிடம் மனு அளித்தும், எந்த பதிலும் பெறாமல் வருத்தமடைந்தனர்.
திருநெல்வேலியில் மாஞ்சோலை மக்கள் எதிர்பார்த்த சந்திப்பு
முதலமைச்சர் மு.க. ஸ்டாலின் தனது மாநில சுற்றுப்பயணத்தின் ஒரு பகுதியாக திருநெல்வேலியில் முக்கிய திட்டங்களை தொடங்கி வைத்தார். இதில்,
₹1679 கோடி மதிப்பிலான அரசு திட்டங்கள்,
₹121 கோடி மதிப்பிலான இணைப்பு கால்வாய் திட்டம்,
மெகா உணவு பூங்கா திறப்பு,
புதிதாக இரு சிப்காட் தொழிற்பூங்கா அமைத்தல்,
பாளையங்கோட்டையில் ரயில்வே மேம்பாலம் உள்ளிட்டவை அறிவிக்கப்பட்டன.
மேலும், அம்பாசமுத்திரம் சாலை நான்கு வழி சாலையாக விரிவாக்கம் செய்யப்படும் என்றும் தாமிரபரணியில் கழிவு நீர் கலப்பு தடுப்பு நடவடிக்கைகள் மேற்கொள்ளப்படும் என்றும் அறிவித்தார்.
போராட்டத்தில் இறங்கிய மாஞ்சோலை தொழிலாளர்கள்
மாஞ்சோலை தொழிலாளர்கள், முதலமைச்சரை நேரில் சந்திக்க அதிகாரிகள் அழைத்துவந்ததாக கூறப்படுகிறது. ஆனால், நீண்ட நேரம் காத்திருக்க வைத்து, சந்திப்பின் போது எந்த பதிலும் அளிக்காமல் அவர் செல்லந்துவிட்டார் என்பதால் மக்கள் வேதனை தெரிவித்துள்ளனர்.
மனு அளித்த தொழிலாளர்கள் – பதில் ஏதும் இல்லை!
மாஞ்சோலை தொழிலாளர்கள் தங்களின் முக்கிய கோரிக்கைகளை உள்ளடக்கிய மனுவை முதலமைச்சரிடம் வழங்கினர். ஆனால், முதலமைச்சர் அதை ஏற்றுக்கொண்டபோதும், எந்த பதிலும் அளிக்கவில்லை என்பதனால், அவர்கள் மிகுந்த வருத்தம் தெரிவித்தனர்.
மக்கள் எதிர்பார்ப்பு – அரசு பதில் தருமா?
மாஞ்சோலை தொழிலாளர்கள் வாழ்வாதாரத்தைப் பாதுகாக்கும் நடவடிக்கைகளை எடுக்க வேண்டும் என அரசு மீது எதிர்பார்ப்பு வைத்துள்ளனர். ஆனால், தங்களது பிரச்சினைகள் குறித்து ஒரு வார்த்தை கூட பேசப்படவில்லை என்பதால் அவர்கள் பெரும் ஏமாற்றத்துடன் திரும்பியதாக கூறப்படுகிறது.
மக்களின் கோரிக்கைகளுக்கு அரசு எதிர்வினையாற்றுமா? என்ற கேள்வி தற்போது எழுந்துள்ளது.
