தமிழக முதல்வர் மு.க.ஸ்டாலினின் மும்மொழிக் கொள்கைக்கு எதிரான கருத்துக்கு பதிலளித்துள்ள பாஜக மாநில தலைவர் அண்ணாமலை, அரசுப் பள்ளிகளில் மூன்றாவது மொழி கற்பிக்கக் கூடாதா? எனக் கேள்வி எழுப்பியுள்ளார்.
முதல்வர் ஸ்டாலின் கூறியது என்ன?
மும்மொழிக் கொள்கையை திணிக்க முயல்வதை கண்டித்து, முதல்வர் ஸ்டாலின் வெளியிட்ட அறிக்கையில்,
“மும்மொழிக் கொள்கையை ஏற்கும் வரை தமிழ்நாட்டுக்கு நிதி இல்லை என்று மிரட்டுவதை தமிழர்கள் எப்போதும் எதிர்த்தே வருகிறார்கள். கல்வி என்பது மாநில உரிமை; ஒன்றிய அரசு அதில் ஏகபோக அதிகாரம் செலுத்த முடியாது.”
எனக் கூறியிருந்தார்.
அண்ணாமலைவின் எதிர்வினை
இந்தக் கருத்துக்கு பதிலளித்த அண்ணாமலை, தனது எக்ஸ் (Twitter) பக்கத்தில்,
“முதலமைச்சர், அமைச்சர்களின் குழந்தைகள் தனியார் பள்ளிகளில் மூன்றுமொழிக் கல்வி பெறலாம். ஆனால், எங்கள் குழந்தைகள் பயிலும் அரசுப் பள்ளிகளில் அது ஏன் கிடைக்கக் கூடாது? பணம் இருந்தால் மட்டும்தான் பல மொழிகள் கற்க முடியுமா?”
என்று கேள்வி எழுப்பியுள்ளார்.
அதோடு,
- திமுகவினர் நடத்தும் தனியார் பள்ளிகளில் பெரும்பாலும் CBSE மூன்றுமொழிக் கொள்கை பின்பற்றப்படுகிறது.
- ஆனால், அரசுப் பள்ளி மாணவர்களுக்கு மட்டும் இந்த வாய்ப்பு மறுக்கப்படுகிறது என அவர் குற்றம்சாட்டியுள்ளார்.
- “உலகம் முன்னேறிக் கொண்டிருக்கிறது, ஆனால் தமிழக அரசின் கொள்கை 1960களில் தான் இருக்கிறது” என்று விமர்சித்துள்ளார்.
இந்த மும்மொழிக் கொள்கை விவாதம் தமிழக அரசியலில் புதிய பரபரப்பை ஏற்படுத்தும் என்று எதிர்பார்க்கப்படுகிறது.
