0
0
காங்கிரஸ் கட்சியின் நீண்டகாலத் தலைவர்களில் ஒருவரும், தமிழக பாரதிய ஜனதா கட்சியின் முக்கியமான முன்னோடிகளில் ஒருவருமான குமரி அனந்தன் அவர்கள், தனது 93வது வயதில் உடல்நலக் குறைவு காரணமாக சென்னையில் உள்ள ஒரு தனியார் மருத்துவமனையில் சிகிச்சை பெற்று வந்தார். இந்நிலையில், அவர் இன்று நள்ளிரவு இயற்கை எய்தினார்.
தமிழக பாஜகவின் முக்கியத் தலைவர்களில் ஒருவரான தமிழிசை சௌந்தரராஜனின் தந்தையான குமரி அனந்தனின் உடல், பொதுமக்கள் இறுதி மரியாதை செலுத்துவதற்காக சென்னை சாலையிலுள்ள அவரது இல்லத்தில் வைக்கப்பட்டுள்ளது.
தமிழிசை சவுந்தரராஜனின் ஆழ்ந்த அனுதாபங்கள்
தந்தையின் மறைவு குறித்து பாஜகவின் மூத்த தலைவரும், குமரி அனந்தனின் மகளுமான தமிழிசை சவுந்தரராஜன் வெளியிட்டுள்ள இரங்கல் செய்தி:
குமரி மாவட்டத்தில் ஒரு எளிய கிராமத்தில் பிறந்து, தன்னுடைய அயராத உழைப்பால் களங்கமில்லாத அரசியல்வாதியாகவும், தமிழ் மொழியின் மீது அளவற்ற பற்று கொண்டவராகவும் திகழ்ந்த என் தந்தை, எனக்கு ‘தமிழிசை’ என்று பெயர் சூட்டி, எப்போதும் ‘இசை இசை’ என்று அன்போடு அழைக்கும் அவருடைய கம்பீரமான குரல் இன்று காற்றோடு கலந்து இசையாகிவிட்டது.
உங்கள் விருப்பப்படி நடப்போம். நீங்கள் சொல்வது போல் சந்தோஷமாக இருந்து பிறரையும் மகிழ்விப்போம். போய் வாருங்கள் அப்பா. நான் தமிழ் கற்றதால் பேசவில்லை, தமிழ் என்னைப் பெற்றதால் பேசுகிறேன். நன்றி அப்பா, சந்தோஷமாகப் போய் வாருங்கள்” என்று அவர் குறிப்பிட்டுள்ளார்.
