0
0
முன்கூட்டியே வெளியாகிறது 12ம் வகுப்பு தேர்வு முடிவு.! வெளியான ஆதிகாரப்பூர்வ தேதி.? எப்படி பார்ப்பது? – TN 12th Result Date Change
TN 12th Result Date Change – தமிழக பள்ளிக்கல்வித்துறை ஒரு முக்கிய அறிவிப்பை வெளியிட்டுள்ளது. அதன்படி, கடந்த மார்ச் மாதம் நடைபெற்ற 12ஆம் வகுப்பு பொதுத்தேர்வு முடிவுகள் எதிர்வரும் மே மாதம் 8ஆம் தேதி வெளியிடப்படவுள்ளன.
இந்தத் தேர்வை தமிழகம் முழுவதும் 8 லட்சத்துக்கும் அதிகமான மாணவ மாணவிகள் எழுதியுள்ளனர்.
அவர்கள் தங்களது தேர்வு முடிவுகளை tnresults.nic.in , dge1.tn.nic.in , dge2.tn.nic.in மற்றும் dge.tn.gov.in ஆகிய அதிகாரப்பூர்வ இணையதளங்களில் காணலாம்.
பள்ளி மாணவர்கள் உயர்கல்வியில் தங்களது அடுத்த கட்டத்தை தீர்மானிப்பதற்கு 12ஆம் வகுப்பு பொதுத்தேர்வு மிகவும் முக்கியமானதாக கருதப்படுகிறது.
தேர்வு எழுதிய மொத்த மாணவர்கள் :
இதற்காக மாணவர்கள் மிகுந்த அர்ப்பணிப்புடன் இரவு பகலாக படித்தனர்.
கடந்த கல்வி ஆண்டில் நடைபெற்ற இந்த பொதுத்தேர்வில், சுமார் 7518 பள்ளிகளைச் சேர்ந்த 3,78,545 மாணவர்களும், 4,24,023 மாணவிகளும், மேலும் 18,344 தனித்தேர்வர்களும், 145 சிறைவாசிகளும் என மொத்தம் 8,21,057 பேர் பங்கேற்றனர்.
இந்த தேர்வுகள் கடந்த மார்ச் மாதம் 25ஆம் தேதி வரை நடைபெற்றன.
முன்னதாக, இந்த தேர்வு முடிவுகள் மே மாதம் 9ஆம் தேதி வெளியிடப்படும் என்று அறிவிக்கப்பட்டிருந்தது.
இதனைத் தொடர்ந்து, மாநிலத்தின் பல்வேறு மாவட்டங்களிலும் விடைத்தாள் திருத்தும் பணிகள் மும்முரமாக நடைபெற்றன.
இந்த மதிப்பீட்டுப் பணியின்போதே மாணவர்களின் மதிப்பெண்களும் இணையதளத்தில் பதிவேற்றம் செய்யப்பட்டு வந்தன.
தற்போது, மாணவர்களின் விடைத்தாள் திருத்தும் பணி கடந்த வாரத்துடன் முழுமையாக நிறைவடைந்துள்ளது.
12ஆம் வகுப்பு தேர்வு முடிவுகள் :
இந்நிலையில், 12ஆம் வகுப்பு தேர்வு முடிவுகள் வெளியாவதில் தாமதம் ஏற்படும் என்றும், அதே நேரத்தில் முன்கூட்டியே வெளியிடப்படும் என்றும் பல்வேறு தகவல்கள் பரவி வந்தன.
இதனால் மாணவர்கள் மத்தியில் ஒருவித குழப்பமான சூழ்நிலை நிலவியது.
இந்த நிலையில், பிளஸ் டூ பொதுத்தேர்வு முடிவுகள் திட்டமிட்டதை விட ஒரு நாள் முன்னதாக, அதாவது நாளை மறுநாள் வெளியிடப்படும் என்று பள்ளிக்கல்வித்துறை அதிகாரப்பூர்வமாக அறிவித்துள்ளது.
ஏற்கனவே மே 9ஆம் தேதி தேர்வு முடிவுகள் வெளியாகும் என்று அறிவிக்கப்பட்டிருந்த நிலையில், தற்போது ஒரு நாள் முன்னதாகவே முடிவுகள் வெளியாகவுள்ளதால் மாணவர்கள் சற்று ஆச்சரியத்தில் உள்ளனர்.
பள்ளிக்கல்வித்துறை வெளியிட்டுள்ள சமீபத்திய அறிவிப்பின்படி, மேல்நிலை இரண்டாமாண்டு (+2) பொதுத்தேர்வு முடிவுகள் வரும் மே மாதம் 8ஆம் தேதி காலை 9 மணிக்கு சென்னை அண்ணா நூற்றாண்டு நூலகத்தில் வெளியிடப்பட உள்ளது.
12ஆம் வகுப்பு பள்ளி மாணவர்கள் தங்களது தேர்வு முடிவுகளை தமிழ்நாடு பள்ளிக் கல்வித் துறையின் அதிகாரப்பூர்வ வலைத்தளமான tnresults.nic.in , dge1.tn.nic.in , dge2.tn.nic.in மற்றும் dge.tn.gov.in ஆகிய இணையதளங்கள் மூலம், தங்களது பிறந்த தேதி மற்றும் பதிவு எண்ணை உள்ளிட்டு TN HSC Result 2025 ஐ சரிபார்த்துக் கொள்ளலாம்.
மாணவர்கள் அனைவரும் தங்களது எதிர்கால கல்வி மற்றும் வாழ்க்கைக்கான இந்த முக்கியமான கட்டத்தில் சிறப்பான வெற்றியைப் பெற வாழ்த்துக்கள்.
Summary:
The Tamil Nadu Directorate of Government Examinations (DGE) has announced a change in the release date for the TN 12th Class Public Examination results for 2025.
Originally scheduled for May 9th, the results will now be published a day earlier on May 8th at 9 AM.
Students can check their results on the official websites: tnresults.nic.in, dge1.tn.nic.in, dge2.tn.nic.in, and dge.tn.gov.in using their registration number and date of birth.
