நடிகர் ரஜினிகாந்தை முன்னாள் முதல்வர் ஓ.பன்னீர்செல்வம் (ஓபிஎஸ்) சந்தித்து அரை மணி நேரம் பேசியுள்ளார்.
நவராத்திரி விழாவை முன்னிட்டு ரஜினிகாந்த் வீட்டில் ஆண்டுதோறும் நடைபெறும் விழாவில் ஓபிஎஸ் கலந்து கொள்வது வழக்கம். ஆனால், இந்த முறை அவர் சில காரணங்களால் பங்கேற்க முடியவில்லை.
இதையடுத்து, ஓபிஎஸ் தனது மகன் ரவீந்திரநாத்துடன் சேர்ந்து சென்னையில் உள்ள ரஜினிகாந்தின் இல்லத்திற்குச் சென்று அவரை நேரில் சந்தித்து, தீபாவளி வாழ்த்துகளை தெரிவித்தார். இருவரும் அரை மணி நேரம் தனிப்பட்ட முறையில் பேசிக் கொண்டதாக தகவல் வெளியாகியுள்ளது.
ரஜினிகாந்த் தற்போது நெல்சன் திலீப்குமார் இயக்கும் ‘ஜெயிலர் 2’ திரைப்படத்தில் நடித்து வருகிறார். இதை சன் பிக்சர்ஸ் நிறுவனம் தயாரிக்கிறது; இசை அமைப்பாளர் அனிருத். படம் அடுத்த ஆண்டு ஜூன் மாதத்தில் வெளியாகும் என்று ரஜினிகாந்த் அண்மையில் அளித்த பேட்டியில் தெரிவித்துள்ளார்.
இதையடுத்து, மீண்டும் நெல்சனுடன் இணைந்து சுந்தர்.சி இயக்கத்தில் புதிய படம் ஒன்றிலும் நடிக்க இருப்பதாக கூறப்படுகிறது. சமீபத்தில் வெளியான ரஜினியின் ‘கூலி’ திரைப்படம் கலவையான விமர்சனங்களை பெற்றிருந்தாலும், ரூ.500 கோடிக்கு மேல் வசூல் செய்ததாக தகவல்கள் தெரிவிக்கின்றன.
Summary:
Former Tamil Nadu Chief Minister O. Panneerselvam met actor Rajinikanth at his Chennai home, accompanied by his son Ravindranath.
