நடிகர் தனுஷ் 2013ஆம் ஆண்டு “ராஞ்சனா” திரைப்படத்தின் மூலம் ஹிந்தித் திரையுலகில் அறிமுகமானார். இயக்குநர் ஆனந்த் எல். ராய் இயக்கிய இப்படத்தில் சோனம் கபூர் அவருக்கு ஜோடியாக நடித்திருந்தார். அதன்பிறகு, இரண்டாவது முறையாக இந்த கூட்டணி “அட்ராங்கி ரே” படத்தில் மீண்டும் இணைந்தது. நேரடியாக OTT-யில் வெளியான இப்படம் ரசிகர்களிடையே நல்ல வரவேற்பை பெற்றது.
இந்நிலையில், மூன்றாவது முறையாக தனுஷ் – ஆனந்த் எல். ராய் கூட்டணி இணையும் படம் “Tere Ishk Mein”. இது “ராஞ்சனா” திரைப்படத்தின் உலகத்திலிருந்து உருவாகும் புதிய படம். 2023ஆம் ஆண்டிலேயே அதிகாரப்பூர்வ அறிவிப்பு வெளியாகிய நிலையில், படப்பிடிப்பு தற்போது துவங்கவுள்ளது.
நாயகி அறிவிப்பு!
இதுவரை படத்தின் கதாநாயகி யார்? என்ற எதிர்பார்ப்பு இருந்த நிலையில், தற்போது அதற்கான அதிகாரப்பூர்வ அறிவிப்பு வந்துள்ளது.
அதன்படி, “Tere Ishk Mein” படத்தில் தனுஷுக்கு ஜோடியாக பாலிவுட் முன்னணி நடிகை க்ரித்தி சனோன் நடிக்கவுள்ளார். இந்த தகவல் அதிகாரப்பூர்வமாக வீடியோவாக வெளியிடப்பட்டுள்ளது. மேலும், இப்படம் இந்த ஆண்டு நவம்பர் 28 அன்று வெளியிடப்படும் என்றும் அறிவிக்கப்பட்டுள்ளது.
