சேலம்: “பைசன், ட்யூட் எனப் பல படங்கள் தீபாவளிக்கு வெளியானாலும், அவற்றை விட டாஸ்மாக் தான் அதிக வசூல் செய்துள்ளது,” என பாமக தலைவர் அன்புமணி ராமதாஸ் விமர்சித்துள்ளார்.
தீபாவளி விடுமுறையை முன்னிட்டு தமிழ்நாடு டாஸ்மாக் மூன்று நாட்களில் ரூ.789 கோடி மதுபான விற்பனை செய்து சாதனை படைத்தது. இதனை குறித்துக் கூறிய அன்புமணி, “மக்களின் வாழ்க்கை திமுக அரசின் கீழ் மோசமாகி விட்டது,” என குற்றம்சாட்டினார்.
‘உரிமை மீட்க தலைமுறை காக்க’ பிரச்சாரத்தின் போது சேலம் மேட்டூரில் பேசிய அவர், “முதலமைச்சர் உண்மையாகவே சாதி இல்லாத சமூகத்தை உருவாக்க விரும்பினால், சாதி வாரி கணக்கெடுப்பு அவசியம். கல்வி, வேலை வாய்ப்பு இல்லாதவர்களை முன்னேற்ற நடவடிக்கை எடுக்க வேண்டும்,” என்றார்.
மேலும், “வேலைவாய்ப்பு இல்லாததால் தென் மாவட்ட இளைஞர்கள் போதைக்கு அடிமையாகி வருகின்றனர். தமிழ்நாட்டில் போதைப் பொருள் பயன்பாடு மாணவர்களிடையே 15% ஆக உயர்ந்துள்ளது,” என்றும் அவர் கவலை தெரிவித்தார்.
அவர் கூறியதாவது, “பைசன், ட்யூட் போன்ற படங்களைக் காட்டிலும் டாஸ்மாக் தான் அதிக கலெக்ஷன் செய்துள்ளது என்பது நம்முடைய சமூகத்தின் நிலையை வெளிப்படுத்துகிறது” என விமர்சித்தார்.
Summary:
Anbumani Ramadoss criticizes DMK govt, mocks TASMAC for earning ₹789 crore during Diwali — surpassing film box office records.
