சென்னை:
விஜய் டிவியின் பிரபல தொகுப்பாளரான விஜே பிரியங்கா, தனது தனித்துவமான தொகுப்பு பாணி மற்றும் நகைச்சுவை உணர்வால் ரசிகர்களிடம் பெரும் வரவேற்பைப் பெற்றவர். தற்போது, தனது இரண்டாவது திருமணத்தைச் சுற்றிய வதந்திகளுக்கு நேரடியாக பதிலளித்திருக்கிறார்.
பிரியங்கா, “குக் வித் கோமாளி, சூப்பர் சிங்கர்” போன்ற பிரபல நிகழ்ச்சிகளில் தன்னுடைய இயல்பான டைமிங் மற்றும் சிரிப்பு கலந்த நடையில் ரசிகர்களை கவர்ந்தவர். பிக் பாஸ் நிகழ்ச்சியிலும் கலந்துகொண்ட அவர், தனது திறமையால் அங்கு பெரிய ரசிகர் வட்டத்தை பெற்றார்.
அதே நேரத்தில், மணிமேகலையுடன் ஏற்பட்ட மோதல் காரணமாக ஒரு கட்டத்தில் சர்ச்சையிலும் சிக்கினார். பின்னர், தனிப்பட்ட வாழ்க்கையில் பெரிய முடிவெடுத்து, விவாகரத்துக்குப் பிறகு வசி என்பவரை இரண்டாவது முறையாகத் திருமணம் செய்தார்.
இரண்டாவது திருமணத்துக்குப் பிறகு, சில யூடியூப் சேனல்கள் மற்றும் சமூக வலைத்தளங்களில் “வசி அரசியல் குடும்பத்தைச் சேர்ந்தவர், 200 கோடி சொத்து வைத்திருப்பவர், தனி தீவு வாங்கி கொடுத்தார்” போன்ற வதந்திகள் பரவின.
இந்த வதந்திகளை மறுத்து, பிரியங்கா சமீபத்தில் ஒரு பேட்டியில் கூறியதாவது:
“என் கணவர் வசி ஒரு இலங்கைத் தமிழர். அவரது குடும்பம் லண்டனில் வாழ்கிறது. அவர் அங்கே ஒரு நிறுவனத்தில் வேலை செய்கிறார், இதைவிட வேறில்லை. நான் பணத்துக்காக திருமணம் செய்துகொண்டேன் என்று சிலர் சொல்கிறார்கள் — ஆனால் நான் இத்தனை ஆண்டுகள் உழைத்து இருக்கிறேன், எனக்கு பணம் இல்லையா?” என்று எதிர்வினை தெரிவித்தார்.
பிரியங்காவின் இந்த நேரடி பதில், வதந்திகளுக்கு முடிவுகட்டும் வகையில் ரசிகர்களிடையே பெரும் வரவேற்பைப் பெற்றுள்ளது.
Summary :
VJ Priyanka clarifies rumors about her second marriage with Vasi, denies claims of huge wealth and luxury lifestyle.
