காஞ்சிபுரம்: தமிழக கைத்தறி மற்றும் நெசவாளர் துறை அமைச்சர் ஆர்.காந்தி, வரவிருக்கும் பொங்கல் பண்டிகை பரிசு குறித்து முக்கிய அறிவிப்பை வெளியிட்டுள்ளார்.
“இந்த ஆண்டுக்கான பொங்கல் இலவச வேட்டி, சேலைகள் நவம்பர் 15 முதல் ரேஷன் கடைகள் மூலம் குடும்ப அட்டைதாரர்களுக்கு வழங்கப்படும்,” என கூறினார்.
காஞ்சிபுரத்தில் புதுப்பிக்கப்பட்ட முருகன் கூட்டுறவு சங்க விற்பனை நிலையத்தின் திறப்பு விழா நிகழ்ச்சியில் கலந்து கொண்டு பேசும் போது, அமைச்சர் காந்தி கூறினார்:
-
திமுக ஆட்சியில் கைத்தறி மற்றும் நெசவுத் தொழிலாளர்களுக்கு சிறப்பு முக்கியத்துவம் அளிக்கப்படுகிறது.
-
இப்போது வழங்கப்படும் பொங்கல் வேட்டி, சேலைகள் மிகுந்த தரத்துடன் தயாரிக்கப்பட்டுள்ளன.
-
தற்போது நெசவாளர்களுக்கு ₹800 முதல் ₹1500 வரை கூலி வழங்கப்படுகிறது.
-
தங்கம், வெள்ளி விலை உயர்வால் பட்டுப் புடவைகளின் விலை கூடியுள்ளது; ஜரிகை வடிவமைப்பில் மாற்றம் செய்ய ஆலோசனை நடக்கிறது.
-
திமுக ஆட்சியில் கோ-ஆப்டெக்ஸ் நிறுவனம் ₹9 கோடி லாபம் ஈட்டியுள்ளது; 58 கூட்டுறவு சங்கங்கள் நவீனமயமாக்கப்பட்டுள்ளன.
அமைச்சர் மேலும் கூறியதாவது: “கூட்டுறவு சங்கங்களில் விற்பனை செய்யப்படும் பட்டுகள் உண்மையான பட்டு; அதற்கான தரம், உத்திரவாதம் நாங்கள் தருகிறோம்,” என தெரிவித்தார்.
Summary :
Tamil Nadu to begin Pongal gift distribution from November 15, Minister R. Gandhi confirms; free sarees and dhotis to be issued at ration shops.
