திரையுலகில் ரசிகர்களால் தலைமேல் தூக்கி வைக்கப்படும் நடிகர் அஜித், தற்போது தன் புதிய கருத்தால் இணையத்தில் பரபரப்பை ஏற்படுத்தியுள்ளார்.
இந்த ஆண்டு அஜித் நடிப்பில் விடாமுயற்சி மற்றும் குட் பேட் அக்லி என இரண்டு திரைப்படங்கள் வெளியாகின. விடாமுயற்சி எதிர்பார்த்த வெற்றியை பெறவில்லை என்றாலும், குட் பேட் அக்லி படம் மிகப்பெரிய ஹிட் ஆகி ரசிகர்களிடையே கொண்டாட்டமாக மாறியது.
அந்த படத்தின் வெற்றிக்குப் பிறகு, அஜித் மீண்டும் இயக்குநர் ஆதிக் ரவிச்சந்திரனுடன் இணைந்து நடிக்கிறார். இந்த படத்தை ரோமியோ பிக்சர்ஸ் நிறுவனம் தயாரிக்கிறது.
இதற்கிடையில், ஒரு பேட்டியில் அஜித் கூறிய கருத்து தற்போது வைரலாகி வருகிறது.
அவர் கூறியதாவது:
“புது படம் வெளியானாலே கொண்டாட்டம் என்ற பெயரில் திரையரங்குக்குள் பட்டாசு வெடிப்பது, இருக்கைகள் உடைப்பது, ‘ஒன்ஸ் மோர்’ என்று கூச்சலிட்டு திரையை கிழிப்பது — இவை எல்லாம் இனிமேல் முடிவுக்கு வர வேண்டும். திரையரங்கு உரிமையாளர்கள் பல லட்சங்கள் செலவிட்டு தியேட்டர்களை புதுப்பிக்கிறார்கள். ரசிகர்கள் அதை மதிக்க வேண்டும்,” என தெரிவித்தார்.
இந்த உரை தற்போது சமூக வலைதளங்களில் பரவலாக பேசப்படுகிறது.
Summary :
Ajith Kumar calls for an end to disruptive fan celebrations inside theatres, urging respect for cinema property and safe festivities.
