கோவை விமான நிலையம் பின்புறம் உள்ள பிருந்தாவன் நகர் பகுதியில், நண்பருடன் இருந்த தனியார் கல்லூரி மாணவியை 3 பேர் கடத்திச் சென்று கூட்டுப் பாலியல் வன்கொடுமை செய்த சம்பவம் தமிழகத்தையே உலுக்கியுள்ளது.
இந்தக் கொடூரச் சம்பவம் தொடர்பாக அரசியல் கட்சிகள் திமுக அரசை கடுமையாக விமர்சித்துள்ளன. தமிழகத்தில் கஞ்சா உள்ளிட்ட போதைப் பொருள்களின் விற்பனை கட்டுக்கடங்காத நிலைக்கு சென்றுவிட்டது; அதுவே இத்தகைய குற்றச்செயல்களுக்கு காரணம் என எதிர்க்கட்சிகள் குற்றம்சாட்டுகின்றன.
அதிமுக தலைவர் எடப்பாடி கே. பழனிசாமி,
“பெண்கள் பாதுகாப்பை குழிதோண்டி புதைத்துவிட்டது திமுக அரசு. என் ஆட்சியில் பெண்கள் பாதுகாப்பாக வாழ்ந்தனர். இன்று அவர்கள் தாங்களே தங்களை காப்பாற்ற வேண்டிய நிலை,” என்று கண்டனம் தெரிவித்துள்ளார்.
பாமக தலைவர் டாக்டர் அன்புமணி ராமதாஸ்,
“2023-ஆம் ஆண்டுடன் ஒப்பிடும் போது, 2024-இல் பாலியல் குற்ற வழக்குகள் 52% அதிகரித்துள்ளன. போதைப்பொருள் விற்பனைக்குத் திமுக அரசு காரணம்,” என்று கடுமையாக விமர்சித்துள்ளார்.
பாஜக மாநிலத் தலைவர் அண்ணாமலை,
“திமுக ஆட்சியில் சட்டத்திற்கும் காவல்துறைக்கும் பயமில்லை. பாலியல் குற்றவாளிகளைப் பாதுகாக்கும் போக்கே நிலவுகிறது,” என சாடியுள்ளார்.
அதோடு நயினார் நாகேந்திரனும்,
“பெண்கள் வீட்டிலும் வெளியிலும் அச்சத்துடனே வாழ்கிறார்கள். ‘நல்லாட்சி’ எனும் பெயரில் திமுக அரசு தோல்வியடைந்துள்ளது,” என்று குறிப்பிட்டுள்ளார்.
இந்த சம்பவம் தமிழகத்தில் பெண்கள் பாதுகாப்பு மீதான கேள்விகளை மீண்டும் எழுப்பியுள்ளது.
Summary :
Opposition blames DMK for women’s safety failure after Coimbatore gang assault. Leaders cite drug abuse rise, demand strict action.
