வெற்றிமாறன் இயக்கத்தில் சிலம்பரசன் நடிக்கும் ‘அரசன்’ திரைப்படத்தின் ப்ரோமோ வீடியோ வெளியாகி ரசிகர்களிடையே பெரும் பரபரப்பை ஏற்படுத்தியுள்ளது.
வெற்றிமாறன்–தனுஷ் கூட்டணியின் ‘வடசென்னை’ படம் உருவாக்கிய தாக்கம் இன்னும் ரசிகர்களின் மனதில் உறைந்தே இருக்கிறது. அந்த உலகத்தை மீண்டும் நினைவூட்டும் வகையில், வெற்றிமாறன் இந்த முறை சிலம்பரசனை கதாநாயகனாக கொண்டு அதே பிரபஞ்சத்துக்குள் அழைத்து செல்கிறார்.
சந்தோஷ் நாராயணனின் திகட்டாத பின்னணி இசையில், ரத்தமும் சதையுமாக நிறைந்த கதையுடன் அரசன் ப்ரோமோ தொடங்குகிறது. 3 கொலைகளுக்காக கோர்ட்டில் ஆஜராகும் சிம்பு தனது கதையை இயக்குநர் நெல்சனிடம் கூறும் விதமாக ப்ரோமோ வடிவமைக்கப்பட்டுள்ளது. அதில் வரும் தனுஷ் ரெஃபரன்ஸ் வசனம் ரசிகர்களிடையே பேசுபொருளாகியுள்ளது.
ப்ரோமோவில் சிம்புவின் தீவிரமான காட்சி, நெல்சனின் கெஸ்ட் அபியரன்ஸ், அனிருத்தின் அதிரடி இசை — மூன்றும் சேர்ந்து ரசிகர்களை ஆவலுடன் காத்திருக்க வைக்கின்றன.
கலைப்புலி எஸ். தாணு தயாரிப்பில் உருவாகும் இந்த படம், வடசென்னை பிரபஞ்சத்துடன் தொடர்பு கொண்டதாகவே இருக்கும் என வெற்றிமாறன் முன்பே கூறியிருந்தார். இதனால், ‘அரசன்’ திரைப்படம் வெளியாவதற்கு முன்பே ரசிகர்களிடையே எதிர்பார்ப்பு உச்சத்தை எட்டியுள்ளது.
Summary :
Simbu stuns in Vetrimaaran’s Arasan promo with a Dhanush nod, intense visuals, and Anirudh’s explosive background score.
