Blog

0

0

ஜிப்ளி பாணியிலான AI படங்கள்: ChatGPT அறிமுகப்படுத்தியுள்ள ஜிப்ளி அனிமேஷன் அம்சம் மக்களின் கவனத்தை வெகுவாக ஈர்த்து வரும் நிலையில், தனிமனித சுதந்திரம் குறித்த பல முக்கியமான கேள்விகள் எழுந்துள்ளன.

ChatGPT-யின் புதிய வசதி! ஜிப்ளி பாணியில் இலவச படங்கள்

ChatGPT செயற்கை நுண்ணறிவு தொழில்நுட்பம் சமீபத்தில் ஒரு புதுமையான வசதியை அறிமுகப்படுத்தியுள்ளது. ஜப்பானிய பாரம்பரிய அனிமேஷன் பாணியான ஜிப்ளி பாணியில் காட்சிகளை இலவசமாக உருவாக்கும் திறனை இது வழங்குகிறது.

முன்பு கட்டணம் செலுத்திய பயனர்களுக்கு மட்டுமே இந்த வசதி இருந்தது, ஆனால் இப்போது அனைவருக்கும் இலவசமாக கிடைக்கிறது. ஒரு பயனர் ஒரு நாளைக்கு மூன்று ஜிப்ளி பாணி அனிமேஷன் படங்களை உருவாக்கலாம்.

இந்த புதிய அம்சம் உலகளவில் பிரபலமாகி வருகிறது. அரசியல் தலைவர்கள் முதல் சாதாரண மக்கள் வரை, தங்கள் புகைப்படங்களை ஜிப்ளி பாணியில் மாற்றி சமூக ஊடகங்களில் பதிவேற்றி வருகின்றனர்.

இருப்பினும், இந்த தொழில்நுட்பம் தனிமனித சுதந்திரத்தில் தலையிட வாய்ப்புள்ளதாக நிபுணர்கள் எச்சரிக்கின்றன.

ChatGPT-ல் ஜிப்ளி பாணியிலான படங்களை உருவாக்க புகைப்படங்களைப் பதிவேற்றுவது பாதுகாப்பானதா என்பது குறித்து பல்வேறு கருத்துக்கள் உள்ளன.

கலைஞர்களின் உழைப்புக்கு சவால் :

ChatGPT உருவாக்கும் ஜிப்ளி பாணியிலான படங்கள், கலைஞர்களின் உழைப்பையும் திறமையையும் குறைமதிப்பிற்கு உட்படுத்துவதாகக் கருதப்படுகிறது.

தவறான பயன்பாட்டு ஆபத்து :

பயனர்கள் பதிவேற்றம் செய்யும் புகைப்படங்கள், AI தொழில்நுட்பத்தால் தவறாகப் பயன்படுத்தப்பட வாய்ப்புகள் இருப்பதாக சைபர் பாதுகாப்பு நிபுணர்கள் எச்சரிக்கின்றனர்.

தனிப்பட்ட தகவல்கள் பாதுகாப்பு :

பயனர்கள் தங்கள் புகைப்படங்களை மாற்றும்படி பதிவேற்றம் செய்கிறார்கள். இந்த புகைப்படங்களை AI அதன் திறனை மேம்படுத்த பயன்படுத்திக் கொள்ளலாம். நமது தோற்றம் மற்றும் தனிப்பட்ட தகவல்களை AI பயன்படுத்த சட்டம் அனுமதிக்கவில்லை என்றாலும், பயனர்கள் தாங்களாகவே முன்வந்து புகைப்படங்களை பதிவேற்றம் செய்வது AI தொழில்நுட்பத்திற்கு அந்த உரிமையை கொடுக்கிறது.

ChatGPT-யில் புகைப்படங்களை பதிவேற்றம் செய்வது பாதுகாப்பானதா என்று கேட்டதற்கு, அது பின்வருமாறு பதிலளித்தது :

தனிப்பட்ட மற்றும் நெருக்கமான புகைப்படங்களை பயன்படுத்துவதை தவிர்க்கவும்.
ChatGPT-யில் பதிவேற்றம் செய்யப்பட்ட புகைப்படங்கள், அதற்கு வழங்கப்பட்ட கட்டளையை நிறைவேற்றிய பிறகு சேமிக்கப்படுவதில்லை.

Summary :  ChatGPT has recently introduced a new feature allowing users to generate images in the style of Ghibli animation for free. While this has gained significant popularity, experts are raising concerns about individual privacy, the impact on artists’ work, the potential for misuse of uploaded photos, and the security of personal information. ChatGPT states that uploaded photos are not stored after the command is executed.