0
0
தங்கம் விலை குறைகிறது !
தங்கத்தின் விலை கடந்த சில மாதங்களில் முன்னெப்போதும் இல்லாத உச்சத்தை தொட்ட நிலையில், முதலீட்டாளர்கள் பயனடைந்துள்ளனர். இருப்பினும், நகை வாங்க விரும்பும் பொதுமக்கள் அதிக விலையால் சிரமத்திற்கு உள்ளாகியுள்ளனர்.
தற்போது, சந்தை ஆய்வாளர்கள் தங்கத்தின் விலையில் பெரிய அளவில் வீழ்ச்சி ஏற்படலாம் என்று கணித்துள்ளனர். இதன்மூலம் வாங்குபவர்களுக்கு நிம்மதி கிடைக்கும் என நம்பப்படுகிறது.
இந்த விலை குறைவு சுமார் 38 சதவீதமாக இருக்கலாம் என்று கூறப்படுகிறது. ஒரு பவுன் தங்கத்தின் விலை 3,080 இலிருந்து 1,820 ஆக குறைய வாய்ப்புள்ளதாக தெரிவித்துள்ளார்.
மார்ச் 31ஆம் தேதி நிலவரப்படி, 24 காரட் தங்கத்தின் விலை 10 கிராம் ₹89,510 ஆக இருந்தது. எனினும், இது ₹55,496 ஆகக் குறையக்கூடும் என்று கணிக்கப்பட்டுள்ளது.
உலகப் பொருளாதாரம் பெரும்பாலும் அமெரிக்க நிதிச் சந்தையை அடிப்படையாகக் கொண்டிருந்தாலும், டிரம்ப் வந்த பிறகு அமெரிக்க பொருளாதாரக் கொள்கையில் ஏற்பட்ட மாற்றங்கள் தற்போதைய அதிக தங்க விலைக்கு ஒரு காரணமாகக் கூறப்படுகிறது.
டிரம்ப்பின் வரி விதிப்பு முறைகளும் இந்த விலை உயர்வுக்கு முக்கியக் காரணம் என்று சுட்டிக்காட்டப்படுகிறது.தங்கத்தின் விலையில் நிலையற்ற தன்மை நிலவினாலும், எதிர்வரும் நாட்களில் கூர்மையான சரிவு ஏற்படும் என ஆய்வாளர்கள் கருதுகின்றனர்.
உலகளவில் தங்க இருப்பு அதிகரித்தும், வங்கிகள் வாங்குவதில் ஆர்வம் காட்டாததும், முதலீட்டாளர்கள் மாற்று வழிகளை நாடக்கூடும் என்பதாலும் தங்கத்தின் தேவை குறைய வாய்ப்புள்ளது. இதனால் விலை வெகுவாக சரியும் என சந்தை நிபுணர்கள் கூறுகின்றனர்.
Summary: Market analysts predict a significant drop of up to 38% in gold prices, offering potential relief to consumers. This decline is attributed to factors like changes in US economic policy, increased global gold reserves, and decreased demand from banks and investors.
