0
0
தங்கத்தின் விலை இந்த மாதத்தின் தொடக்கத்தில் இருந்து ஏற்ற இறக்கத்துடனே இருந்து வருகிறது.
கடந்த 14-ஆம் தேதி ஒரே நாளில் பவுனுக்கு ரூ.1,440 உயர்ந்து ரூ.66,400 என்ற உச்சத்தை தொட்டது. அதன் பின்னர் ஓரிரு நாட்கள் விலை குறைந்து வந்த நிலையில், கடந்த 18-ஆம் தேதி முதல் மீண்டும் ஏறுமுகத்தில் இருந்து வந்தது.
இந்த நிலையில், நேற்றைய தினம் தங்கத்தின் விலை சற்று குறைந்தது. அதன்படி, கிராமுக்கு ரூ.40 குறைந்து ஒரு கிராம் 8 ஆயிரத்து 270 ரூபாய்க்கும், பவுனுக்கு ரூ.320 குறைந்து ஒரு பவுன் 66 ஆயிரத்து 160 ரூபாய்க்கும் விற்பனை செய்யப்பட்டது.
அதேபோல் வெள்ளியின் விலை கிராமுக்கு ரூ.2 குறைந்து, ஒரு கிராம் வெள்ளி 112 ரூபாய்க்கும், ஒரு கிலோ வெள்ளி 1,12,000 ரூபாய்க்கும் விற்பனை செய்யப்பட்டது.
தங்கம் விலை தொடர்ந்து இரண்டாவது நாளாக இன்று குறைந்துள்ளது.
அதன்படி, சென்னையில் இன்று ஒரு கிராம் தங்கம் 40 ரூபாய் குறைந்து 8,230 ரூபாய்க்கும், ஒரு சவரன் 320 ரூபாய் குறைந்து 65,840 ரூபாய்க்கும் விற்பனை செய்யப்படுகிறது.
அதேபோல, வெள்ளி கிராமுக்கு 2 ரூபாய் குறைந்து, ஒரு கிராம் வெள்ளி 110 ரூபாய்க்கும், ஒரு கிலோ வெள்ளி 1,10,000 ரூபாய்க்கும் விற்பனை செய்யப்படுகிறது.”
