0
0
தென்னிந்திய உணவில் இட்லி, தோசைக்கு சட்னி முக்கியமான இணைப்பு. பொதுவாக, தேங்காய் சட்னி, தக்காளி சட்னி போன்றவை பரவலாக பயன்படுத்தப்படுகின்றன. ஆனால் பழுக்காத (பச்சை) தக்காளியுடன் வேர்க்கடலை சேர்த்து ஒரு சட்னி செய்து பார்த்திருக்கிறீர்களா?
இந்த புதிய ரெசிபி, வழக்கமான தக்காளி சட்னிக்கே ஒரு வேற லெவல் சுவை கொடுக்கும்.
இது குறிப்பாக இட்லி, தோசைக்கு மிகச் சிறந்த சைடிஷாக இருக்கும்.
சற்று காரமாகவும், கொஞ்சம் புளிப்பாகவும் இருக்கும் இந்த சட்னி, மாறுதலாக சுவைக்க விரும்புபவர்களுக்கு சிறந்த தேர்வாக இருக்கும். இப்போது, இந்த சுவையான பச்சை தக்காளி & வேர்க்கடலை சட்னி எப்படி செய்வது என்று பார்க்கலாம்.
தேவையான பொருட்கள்
பழுக்காத (பச்சை) தக்காளி – 3
வேர்க்கடலை – 2 ஸ்பூன்
பூண்டு – 3 பல்
பச்சை மிளகாய் – 4 (காரத்தை பொறுத்து அதிகமாக / குறைக்கலாம்)
கறிவேப்பிலை – 1 கொத்து
கொத்தமல்லி – ¼ கப்
எண்ணெய் – 2 ஸ்பூன்
உப்பு – தேவையான அளவு
வெல்லம் – ½ டீஸ்பூன் (விருப்பமானது)
செய்முறை
வேர்க்கடலை வறுத்தல்
முதலில் அடி கனமான பாத்திரத்தில், 2 ஸ்பூன் வேர்க்கடலையை நன்கு வறுக்கவும்.
வறுத்த பிறகு அதை ஒதுக்கி வைக்கவும்.
(வறுத்த வேர்க்கடலை இல்லையெனில், கடையில் கிடைக்கும் வறுத்த வேர்க்கடலையைப் பயன்படுத்தலாம்.)
மிளகாய் & கறிவேப்பிலை வதக்கல்
அதே பாத்திரத்தில் 1 டீஸ்பூன் எண்ணெய் ஊற்றி சூடாக்கவும்.
பச்சை மிளகாய் சேர்த்து மிளகாய் தோல் கொஞ்சம் கருகும் வரை வதக்கவும்.
பிறகு, கொத்தமல்லி, கறிவேப்பிலை சேர்த்து ஒரு நிமிடம் வதக்கி எடுத்துவைக்கவும்.
தக்காளி வதக்கல்
மீண்டும் ஒரு டீஸ்பூன் எண்ணெய் ஊற்றி சூடாக்கி,
பழுக்காத (பச்சை) தக்காளியை நறுக்கி சேர்த்து, மென்மையாகும் வரை வதக்கவும்.
சட்னி அரைத்தல்
மிக்ஸியில் வறுத்த மிளகாய், கொத்தமல்லி, கறிவேப்பிலை, பூண்டு, வேர்க்கடலை, உப்பு ஆகியவற்றை போட்டு அரைக்கவும்.
தண்ணீர் சேர்க்காமல் கரடுமுரடாக அரைக்கவும். (தேவையெனில் சிறிது வெல்லம் சேர்க்கலாம்).
பின் வறுத்த தக்காளியை சேர்த்து மீண்டும் அரைக்கவும்.
சட்னி கொஞ்சம் தடிப்பாக இருக்க வேண்டும், எனவே அதிக தண்ணீர் சேர்க்க வேண்டாம்.
தாளிக்கவும் (விருப்பமானது)
கடாயில் ஒரு ஸ்பூன் எண்ணெய், கடுகு, உளுந்து, கறிவேப்பிலை சேர்த்து தாளித்து, சட்னியில் கலக்கவும்.
இப்போது சூப்பரான பச்சை தக்காளி & வேர்க்கடலை சட்னி ரெடி!
இட்லி, தோசை, அப்பம், சாதம் – எதற்குமே இட்டுண்டு இருக்கும். சுவை மிகுந்தது
குறிப்பாக காரம் & புளிப்பு இரண்டின் சரியான சேர்க்கை
போஷகமிக்க ஒரு ஹெல்த்தி சைடிஷ்.
இந்த சட்னியை நீங்களும் முயற்சி செய்து பார்த்து உங்கள் அனுபவத்தை சொல்லுங்கள்.
