துபாய்: 2025 சாம்பியன்ஸ் டிராபி தொடரில் இந்தியாவுக்கு எதிரான போட்டியில், வங்கதேச வீரர் தவ்ஹீத் ஹிருதோய் அபார சதம் அடித்து அணியை பெரும் தோல்வியில் இருந்து மீட்டார். இது அவரது முதல் ஒருநாள் போட்டி (ODI) சதம் என்பதும் குறிப்பிடத்தக்கது.
வங்கதேச அணியின் அதிர்ச்சிகரமான தொடக்கம்
முதலில் பேட்டிங் செய்த வங்கதேச அணி, தொடக்கத்திலேயே கடுமையான பின்னடைவை சந்தித்தது. 35 ரன்களுக்குள் 5 விக்கெட்டுகளை இழந்து ஆட்டம் கட்டுப்பாட்டை இழந்தது. அணியின் முன்னணி பேட்ஸ்மேன்கள் ஒருவரின் பின்னர் ஒருவர் வெளியேற, மிகக் குறைந்த ஸ்கோரை எடுக்க வேண்டிய சூழல் ஏற்பட்டது.
அவ்வேளையில், ஐந்தாம் வரிசையில் களமிறங்கிய தவ்ஹீத் ஹிருதோய், பொறுமையாக ஆடி, தனது அபார இன்னிங்ஸால் அணியை காப்பாற்றினார். அவர் 118 பந்துகளில் 100 ரன்கள் குவித்து ஆட்டமிழந்தார். அவரது இன்னிங்ஸில் 6 பவுண்டரிகள், 2 சிக்ஸர்கள் அடங்கும்.
வங்கதேச அணிக்கு மீட்பு
ஹிருதோயுடன் இணைந்து ஜாகெர் அலி 68 ரன்கள் சேர்த்தார். இந்த கூட்டணியின் சாதனையால், ஆரம்ப கட்டத்தில் 100 ரன்களைக்கூட எட்டுமா என சந்தேகமாக இருந்த வங்கதேச அணி 228 ரன்கள் சேர்த்தது.முதலில் 150 ரன்கள் கூட எட்டுமா என்ற நிலைமை இருந்த நிலையில், ஹிருதோயின் சதம் அணியை 200 ரன்கள் தாண்ட உதவியது. கடைசி ஓவரில் ஆட்டமிழந்தபோதும், வங்கதேச வீரர்களும், ரசிகர்களும் எழுந்து நின்று அவருக்கு கைதட்டினர்.
வங்கதேச கிரிக்கெட் வரலாற்றில் முக்கிய சாதனை
இந்த சதத்துடன், சாம்பியன்ஸ் டிராபி தொடரில் சதம் அடித்த இரண்டாவது வங்கதேச வீரர் என்ற பெருமையை தவ்ஹீத் ஹிருதோய் பெற்றார். இதற்கு முன்பு, 2017-ஆம் ஆண்டு தமிம் இக்பால் இங்கிலாந்துக்கு எதிராக 128 ரன்கள் அடித்திருந்தார்.
முக்கியமாக, 23 ரன்கள் எடுத்திருந்தபோது ஹர்திக் பாண்டியா அவரது கேட்சை தவறவிட்டதை ஹிருதோய் முழுமையாகப் பயன்படுத்தினார். அதன்பிறகு தன்னம்பிக்கையுடன் விளையாடி, வங்கதேச அணிக்கு கௌரவமளிக்கக் கூடிய ஸ்கோரை வழங்கினார்.வங்கதேச அணிக்கு மிகப்பெரிய சிக்கல் ஏற்பட்ட நேரத்தில், தவ்ஹீத் ஹிருதோயின் இந்த இன்னிங்ஸ், அவரை அணியின் நம்பிக்கையான வீரராக உயர்த்தியுள்ளது.
