தமிழ் சின்னத்திரையில் பிரம்மாண்டமாக ஒளிபரப்பாகி வரும் பிக்பாஸ் சீசன் 9, ரசிகர்களிடையே பெரும் வரவேற்பைப் பெற்று வருகிறது. கடந்த அக்டோபர் 9ஆம் தேதி, நடிகர் விஜய் சேதுபதி தொகுத்து வழங்கும் வகையில், 20 போட்டியாளர்களுடன் இந்த சீசன் தொடங்கப்பட்டது. இதுவரை நந்தினி, பிரவீன் காந்தி, அப்சாரா, ஆதிரை, கலையரசன் ஆகியோர் வெளியேறியுள்ளனர்.
இந்நிலையில், வைல்ட்கார்டு என்ட்ரியாக 4 புதிய போட்டியாளர்கள் வீட்டுக்குள் நுழைந்ததை அடுத்து நிகழ்ச்சி மேலும் சூடுபிடித்துள்ளது.
அவர்களில் ஒருவரான மகாநதி சீரியல் புகழ் கம்ருதீன், ஆரம்பத்தில் ரசிகர்களின் விமர்சனத்துக்கு ஆளானாலும் தற்போது பிக்பாஸ் வீட்டின் சூழலைப் புரிந்துகொண்டு விளையாடி வருகிறார்.
சமீபத்திய எபிசோடில், கம்ருதீன் தனது கலைத்திறமையை வெளிப்படுத்தி அனைவரையும் ஆச்சரியப்படுத்தினார்.
அதாவது, வீட்டில் சிறப்பு விருந்தினராக வந்திருந்த தீபக்கின் ஓவியத்தை நேரில் வரைந்து காட்டினார்.
அந்த ஓவியத்தைப் பார்த்த தீபக் மகிழ்ச்சியுடன் கம்ருதீனை பாராட்டியதோடு, வீடு முழுவதும் உற்சாகம் நிலவியது.
இப்போது அந்த புகைப்படம் சமூக வலைதளங்களில் வைரலாகி வருகிறது.
Summary :
Bigg Boss Tamil 9’s Kamrudeen showcased his artistic talent by sketching guest Deepak. The portrait impressed all and went viral online.
