சென்னை சென்ட்ரல் ரயில் நிலையத்தில் புதிய ‘எம்-யுடிஎஸ் உதவியாளர்’ திட்டம் தொடக்கம்!

ரயில் நிலையங்களில் டிக்கெட் கவுண்ட்டர்களில் ஏற்படும் கூட்ட நெரிசலைக் குறைத்து, பயணிகளுக்கு விரைவான சேவையை வழங்கும் நோக்கில், ரயில்வே துறை புதிய ‘எம்-யுடிஎஸ் உதவியாளர்’ (m-UTS Assistant) திட்டத்தை அறிமுகப்படுத்தியுள்ளது. இந்த முன்னோடி திட்டம் தற்போது சென்னை சென்ட்ரல் ரயில் நிலையத்தில் துவங்கப்பட்டுள்ளது.

திட்டம் எப்படி செயல்படுகிறது?

இந்தத் திட்டத்தின் கீழ், இந்திய ரெயில்வேயால் அங்கீகரிக்கப்பட்ட “எம்-யுடிஎஸ் உதவியாளர்கள்” பணியாற்றுவார்கள்.
அவர்கள் ரயில்வே வழங்கிய கையடக்க m-UTS சாதனத்துடன் இணைக்கப்பட்ட அச்சுப்பொறி (printer) மூலம் பயணிகளுக்குத் உடனடியாக டிக்கெட் வழங்குவார்கள்.

பயணிகள் நீண்ட வரிசையில் காத்திருக்காமல், இந்த உதவியாளர்களை அணுகி:

• முன்பதிவு செய்யப்படாத சாதாரண டிக்கெட்டுகள்

• சீசன் டிக்கெட்டுகள்
  என இரண்டையும் உடனே பெற்றுக்கொள்ளலாம்.

இருப்பினும், முன்பதிவு டிக்கெட்டுகள் அல்லது சலுகை டிக்கெட்டுகள் இத்திட்டத்தின் கீழ் வழங்கப்படமாட்டாது.

விரைவில் பிற நிலையங்களிலும்…

இந்த திட்டத்தின் மூலம் டிக்கெட் கவுண்ட்டர்களின் நெரிசல் குறைந்து, பயணிகள் வசதியாக டிக்கெட்டுகளைப் பெறுவார்கள் என எதிர்பார்க்கப்படுகிறது.
ரயில்வே அதிகாரிகள் கூறுகையில் —
“சென்னை சென்ட்ரலைத் தொடர்ந்து, விரைவில் எழும்பூர் மற்றும் தாம்பரம் ரயில் நிலையங்களிலும் ‘எம்-யுடிஎஸ் உதவியாளர்’ திட்டம் அறிமுகப்படுத்தப்படும்,” என தெரிவித்தனர்.

விரைவான சேவை, டிஜிட்டல் பரிவர்த்தனை, குறைந்த நெரிசல் — இதுவே இந்த புதிய ரயில்வே முயற்சியின் இலக்காகும்.

Summary :
Indian Railways launches m-UTS Assistant scheme at Chennai Central to reduce ticket counter congestion and offer faster digital ticketing.