மதுரையில் இரு வேறு தீ விபத்துகள் ! மதுரையில் பரபரப்பு அதிர்ச்சியில் மக்கள் !

மதுரையில் இரண்டு வெவ்வேறு தீ விபத்துகள் பெரும் சேதத்தையும், பரபரப்பையும் ஏற்படுத்தியுள்ளன.

ஆயுத பூஜை கொண்டாட்டத்திற்குப் பிறகு, மீனாட்சி பஜாரில் உள்ள ஒரு செல்போன் கடையில் விளக்கை அணைக்காமல் சென்றதால் பெரிய தீ விபத்து ஏற்பட்டது.

இந்த தீ நான்கு கடைகளுக்குப் பரவி, பல லட்சம் ரூபாய் மதிப்புள்ள எலக்ட்ரானிக் பொருட்களை நாசமாக்கியது.

அதேபோல், மாட்டுத்தாவணி – மேலூர் பிரதான சாலையில் சென்ற ஒரு சரக்கு வாகனத்தில் திடீரென தீ பிடித்தது. இதனால் பொதுமக்கள் மத்தியில் பீதி ஏற்பட்டது.

இந்த இரண்டு சம்பவங்கள் குறித்தும் காவல்துறையினர் விசாரணை நடத்தி வருகின்றனர்.

மீனாட்சி பஜார் செல்போன் கடை தீ விபத்து! 

மதுரை மாநகர் மீனாட்சி பஜார் பகுதியில் உள்ள 184ஆம் எண் கொண்ட செல்போன் கடையில் ஆயுத பூஜை நடந்தது. பூஜை முடிந்ததும், கடை ஊழியர்கள் விளக்கை அணைக்காமல் மாலை நேரத்தில் சென்றுவிட்டனர். அப்போது, விளக்கில் இருந்து தீ காற்றில் பரவத் தொடங்கியது.

முதலில் கடையில் தீ பிடித்தது. பின்னர், கடையில் இருந்த செல்போன்கள் மற்றும் எலக்ட்ரானிக் பொருட்களில் தீ வேகமாகப் பரவி வெடிக்க ஆரம்பித்தது. தீ மளமளவென எரிந்தது.

தீயைக் கண்ட பொதுமக்கள் மற்றும் கடை உரிமையாளர்கள் தீயை அணைக்க முயற்சி செய்தனர். பின்னர், அவர்கள் உடனடியாக தீயணைப்புத் துறையினருக்கு தகவல் கொடுத்தனர்.

தீயணைப்பு நிலையங்களில் இருந்து தீயணைப்பு வீரர்கள் சம்பவ இடத்திற்கு விரைந்து வந்தனர்.

அவர்கள் நீண்ட நேரம் தண்ணீர் பீய்ச்சி அடித்து தீயை அணைத்தனர். பல மணி நேரப் போராட்டத்திற்குப் பிறகு, தீ முழுவதுமாக கட்டுக்குள் கொண்டுவரப்பட்டது.

மாட்டுத் தாவணி சரக்கு வாகனம் தீ விபத்து

மதுரையில் நடந்த மற்றொரு சம்பவத்தில், மதுரை மாநகர் மாட்டுத்தாவணி அருகே மேலூர் பிரதான சாலையில் ஒரு சரக்கு வாகனம் சென்று கொண்டிருந்தது.

அந்த வாகனத்தில் பல்வேறு பொருட்கள் அட்டைப் பெட்டிகளில் எடுத்துச் செல்லப்பட்டன. வாகனம் சாலையில் சென்று கொண்டிருந்தபோது, திடீரென தீ பிடித்தது.

இதனால், பின்னால் வந்த வாகன ஓட்டிகளும், சாலையில் நடந்து சென்ற பொதுமக்களும் பயந்து அங்கும் இங்கும் ஓடினர். நல்லவேளையாக, வாகன ஓட்டுநர் தீ விபத்தில் இருந்து தப்பித்தார்.

அவர் உடனடியாக தீயணைப்புத் துறையினருக்கு தகவல் கொடுத்தார். தீயணைப்பு வீரர்கள் சம்பவ இடத்திற்கு விரைந்து வந்தனர். அவர்கள் தீயை தண்ணீர் பீய்ச்சி அடித்து கட்டுக்குள் கொண்டு வந்தனர்.

Summary: Two separate fire accidents in Madurai created panic among residents. Firefighters rushed to the spot and brought the situation under control. Locals expressed shock over the back-to-back incidents.