1
0
பிரிட்டனில் நடைபெற உள்ள தனது சிம்பொனி இசை நிகழ்ச்சிக்கு நேரில் வந்து வாழ்த்து தெரிவித்த முதல்வர் மு.க. ஸ்டாலினுக்கு இசைஞானி இளையராஜா தனது நன்றியை தெரிவித்துள்ளார்.
முதல்வரின் நேரடி வாழ்த்து!
மார்ச் 8ஆம் தேதி லண்டனில் இசையமைப்பாளர் இளையராஜா நடாத்தும் சிம்பொனி இசை நிகழ்ச்சி நடைபெற உள்ளது. இதை முன்னிட்டு, பலரும் அவருக்கு வாழ்த்து தெரிவித்து வருகின்றனர். இந்த நிலையில், முதல்வர் மு.க. ஸ்டாலின், கோடம்பாக்கத்தில் உள்ள இளையராஜாவின் அலுவலகத்துக்கு நேரில் சென்று அவரை வாழ்த்தினார்.
அவரை நுழைவாயிலில் வரவேற்ற இளையராஜா, முதல்வரின் வாழ்த்துகளை உற்சாகத்துடன் பெற்றுக்கொண்டார். மேலும், முதல்வர் ஸ்டாலின், அவருக்கு சால்வை அணிவித்து, நினைவுப் பரிசு வழங்கி வாழ்த்து தெரிவித்தார்.
இளையராஜாவின் இசை குறிப்பு – முதல்வருக்கு சிறப்பு அர்ப்பணம்!
இதன்போது, இளையராஜா தனது கைப்பட எழுதிய ‘Valiant’ சிம்பொனி இசை குறிப்புகளை முதல்வரிடம் காண்பித்து தனது மகிழ்ச்சியை பகிர்ந்துகொண்டார்.
“முதல்வரின் அன்பும் ஆதரவும் மகிழ்ச்சியில் மூழ்க வைத்தது” – இசைஞானியின் நன்றி!
இந்த சந்திப்பு குறித்து முதல்வர் மு.க. ஸ்டாலின், எக்ஸ் (முன்னாள் ட்விட்டர்) வலைதளத்தில்,
“உலகத் தமிழர்களின் வாழ்வியலோடு இரண்டறக் கலந்த இசை மூச்சான இளையராஜாவின் கணக்கற்ற சாதனைகளில், இந்த சாதனை ஒரு மணிமகுடமாக திகழ வாழ்த்துகிறேன்” என பதிவிட்டார்.
இதற்குப் பதிலளித்த இளையராஜா,
“நிறைந்த பணிச்சூழலில் நேரம் ஒதுக்கி நேரில் வந்து வாழ்த்தியதிலும், இசைக்கு அளித்த பேராசியிலும், நான் மகிழ்ச்சியில் மூழ்கிப் போனேன். இதற்கு முதல்வருக்கு எனது மனமார்ந்த நன்றி!” என்று தெரிவித்துள்ளார்.
தமிழர் பெருமை இசைஞானியின் இன்னொரு முக்கிய அத்தியாயம் விரைவில் உலக அரங்கில் அதிரப்போகிறது.
