0
0
தோண்டத் தோண்ட வெளிவரும் பிணக்குவியல்: மியான்மர் பலி 3,145ஆக உயர்வு.
மியான்மர் நிலநடுக்கம்: தொடர் அதிர்வால் சரிந்த கட்டடங்கள்; 3,000க்கும் மேற்பட்டோர் பலி.அடுத்தடுத்து ஏற்பட்ட நிலநடுக்கங்களின் காரணமாக கட்டடங்கள் சீட்டுக்கட்டுகள் போல சரிந்து விழுந்தன.
மியான்மரில் கடந்த மாதம் 29ம் தேதி ஏற்பட்ட ஒரு பெரிய நிலநடுக்கம் பேரழிவை ஏற்படுத்தியது. நம்முடைய அண்டை நாட்டில் நிகழ்ந்த இந்த துயரத்தில் பல நகரங்கள் உருக்குலைந்தன. ஆகாயத்தை தொடும் கட்டடங்கள் எல்லாம் நொறுங்கி விழுந்தன.
நிலநடுக்கம் தாக்கி ஒரு வாரமாகியும் மீட்புப் பணிகள் சவால்களுக்கு மத்தியில் தொடர்கின்றன. சாலைகளில் ஏற்பட்ட பிளவுகள் மீட்பு குழுவினருக்கு பெரும் தடையாக உள்ளன.
இந்நிலையில், இந்த கோர விபத்தில் சிக்கி உயிரிழந்தோரின் எண்ணிக்கை 3,145ஐ எட்டியுள்ளது. மீட்பு முயற்சிகள் தீவிரமாக நடைபெறுவதால், பலி எண்ணிக்கை மேலும் உயரக்கூடும் என்ற அச்சம் நிலவுகிறது.
தலைநகரில் நடைபெற்ற கூட்டத்தில் அமைச்சர் மவுங் மவுங் ஓன் கூறுகையில், 4,589 பேர் காயமடைந்துள்ளதாகவும், 221 பேரை காணவில்லை என்றும் தெரிவித்தார். அவர்களைத் தேடும் பணி தொடர்வதாகவும், அரசு மற்றும் தனியார் அமைப்புகள் இணைந்து பாதிக்கப்பட்டவர்களுக்கு உதவி வருவதாகவும் அவர் குறிப்பிட்டார்.
Summary: A devastating earthquake struck Myanmar on the 29th of last month, causing significant damage and the collapse of buildings. The death toll has surpassed 3,000, with thousands injured and hundreds still missing. Rescue efforts are ongoing, hampered by damaged roads.
