தேசிய கொடுப்பனவு கழகம் (NPCI) ஒருங்கிணைந்த கொடுப்பனவு இடைமுக (UPI) பரிவர்த்தனைகளின் பாதுகாப்பு மற்றும் செயல்திறனை மேம்படுத்தும் நோக்கில் புதிய வழிகாட்டுதல்களை அறிவித்துள்ளது.
இந்த வழிகாட்டுதல்கள், ஏப்ரல் 1, 2025 முதல் அமலுக்கு வர உள்ளன, வங்கிகள், கட்டண சேவை வழங்குநர்கள் (PSPs), மற்றும் PhonePe, GPay மற்றும் Paytm போன்ற மூன்றாம் தரப்பு UPI சேவை வழங்குநர்கள், எண்ணியல் UPI ஐடிகள் தொடர்பான குறிப்பிட்ட நடவடிக்கைகளை செயல்படுத்த வேண்டும் என்று அறிவுறுத்துகிறது.
NPCI-யின் அறிவுறுத்தலின் படி, “வங்கிகள், PSP செயலிகள் மொபைல் எண் ரத்து பட்டியல்/டிஜிட்டல் நுண்ணறிவு தளம் (MNRL/DIP) ஆகியவற்றைப் பயன்படுத்தி, தங்கள் தரவுத்தளத்தை வழக்கமான இடைவெளிகளில், குறைந்தபட்சம் வாரந்தோறும் புதுப்பிக்க வேண்டும்.
பயனர்கள் தங்கள் வங்கிகளில் பதிவு செய்துள்ள மொபைல் எண்கள் செயல்பாட்டில் இருப்பதையும், புதுப்பிக்கப்பட்ட நிலையில் இருப்பதையும் உறுதி செய்ய அறிவுறுத்தப்படுகிறார்கள். அவ்வாறு செய்யத் தவறினால், செயலற்ற அல்லது மறு ஒதுக்கீடு செய்யப்பட்ட எண்களுடன் இணைக்கப்பட்ட யுபிஐ சேவைகள் இடைநிறுத்தப்படலாம். தற்போதைய மொபைல் எண்களுடன் வங்கி பதிவுகளை தொடர்ந்து புதுப்பிப்பது யுபிஐ சேவைகளை தடையின்றி அணுகுவதற்கு உதவும்.
இதற்கிடையில், அதிகரித்து வரும் மோசடிகளைத் தடுக்கும் வகையில், NPCI UPI-யிலிருந்து “கலெக்ட் பேமெண்ட்ஸ்” அம்சங்களையும் நீக்கத் தொடங்கியுள்ளது. எகனாமிக் டைம்ஸ் அறிக்கையின்படி, இந்த புல்-பேமெண்ட் சிஸ்டம் பெரிய, சரிபார்க்கப்பட்ட வணிகர்களுக்கு மட்டுமே கட்டுப்படுத்தப்படும், அதே நேரத்தில் தனிநபர்களுக்கிடையேயான கலெக்ட் பேமெண்ட்ஸ் ரூ. 2,000 ஆக வரம்பு வைக்கப்படும்.
