இந்தியாவின் வங்கித் துறையில் வரலாற்று சிறப்புமிக்க மாற்றம் ஒன்று விரைவில் நடைமுறைக்கு வர இருக்கிறது. வங்கிகள் வழியாக காசோலை (Cheque) பரிவர்த்தனை செய்வோருக்கு இனி நீண்ட நாட்கள் காத்திருக்க வேண்டிய அவசியம் இல்லை. இந்திய ரிசர்வ் வங்கி (RBI) வெளியிட்டுள்ள புதிய அறிவிப்பின் படி, வரும் அக்டோபர் 4 மற்றும் ஜனவரி 3 முதல் சில முக்கிய விதிமுறைகள் அமலுக்கு வரும். இதன் மூலம், ஒரே நாளில் காசோலை கிளியர் (Cheque Clearance) செய்யப்படும் என அதிகாரப்பூர்வமாக அறிவிக்கப்பட்டுள்ளது.
வங்கி வாடிக்கையாளர்களுக்கு பெரிய நன்மை:
இதுவரை காசோலை மூலமாக பணப் பரிவர்த்தனை செய்வோருக்கு, அது clear ஆக 2 முதல் 3 வேலை நாட்கள் ஆகும். குறிப்பாக வேறு மாநிலங்களில் இருந்து வழங்கப்படும் காசோலைகள் clear ஆக அதிக நாட்கள் பிடித்து வந்தது. ஆனால், RBI அறிவித்துள்ள புதிய நடைமுறைகள் மூலம், இப்போது வாடிக்கையாளர்கள் ஒரே நாளில் தங்கள் பணத்தைப் பெறக்கூடிய சூழல் உருவாகிறது. இது வங்கி வாடிக்கையாளர்களுக்கு மிகப்பெரிய நன்மை எனலாம்.
தொழில் மற்றும் வணிகத்துறைக்கு உதவும் மாற்றம்:
காசோலைகளை அடிப்படையாகக் கொண்டு இயங்கும் சிறு, நடுத்தர தொழில்கள் மற்றும் வணிகங்களுக்கான பரிவர்த்தனைகள் விரைவாக முடிவடைவதால், அவர்களின் நிதி ஓட்டம் சீராகும். இது வணிக வளர்ச்சிக்கும், பொருளாதார நிலைத்தன்மைக்கும் உதவியாக இருக்கும் என நிபுணர்கள் கருதுகின்றனர்.
டிஜிட்டல் வங்கி சேவைக்கு அடுத்த படி:
இது, இந்திய வங்கித்துறையின் டிஜிட்டல் முன்னேற்றத்தில் அடுத்த கட்டமாகக் கருதப்படுகிறது. ஆன்லைன் பரிவர்த்தனைகள் அதிகரித்து வரும் நிலையில், காசோலை clearing முறையையும் விரைவுபடுத்துவது, வாடிக்கையாளர்களுக்கு வசதியான banking அனுபவத்தை வழங்கும்.
Summary: The Reserve Bank of India (RBI) has introduced a landmark change in the country’s banking system. From October 4 and January 3, cheques will now be cleared on the same day, ending the long wait of 2–3 business days. This move will greatly benefit customers, traders, and small businesses that rely heavily on cheque-based transactions, ensuring faster cash flow and smoother operations. Experts see this as a major step toward digital modernization in India’s banking sector. RBI stated that its goal is to make financial transactions faster, safer, and more convenient for citizens. This reform marks a new milestone in India’s banking history.
