பாடகர், நடிகர், இசையமைப்பாளர், தயாரிப்பாளர், தொலைக்காட்சி தொகுப்பாளர் என பல துறைகளில் பன்முக திறமையுடன் பிரபலமானவர் பாடகர் மனோ.
ஆந்திர அரசின் நந்தி விருது, தமிழக அரசின் கலைமாமணி விருது உள்ளிட்ட பல விருதுகளை பெற்றுள்ள மனோ, தமிழ் சினிமாவிற்கு எண்ணற்ற ஹிட் பாடல்களை வழங்கியுள்ளார். “முக்காலா முக்காபுலா”, “தில்லானா தில்லானா”, “அழகிய லைலா”, “அட உச்சந்தல உச்சியிலே”, “தூளியிலே ஆட வந்த” போன்ற பாடல்கள் ரசிகர்களின் மனதில் இடம்பிடித்தவை.
மேலும் விஜய் டிவியில் ஒளிபரப்பான சூப்பர் சிங்கர் நிகழ்ச்சியின் பல சீசன்களில் ஜாலியான நடுவராக கலக்கி, பார்வையாளர்களின் இதயத்தில் தனி இடம் பிடித்தார்.
இந்நிலையில், அண்மையில் ஒரு தொலைக்காட்சி நிகழ்ச்சியில் கலந்துகொண்ட பாடகர் மனோவிடம் நகைச்சுவை நடிகர் பயில்வான் ரங்கநாதன்,
“நீங்கள் இந்துவா மாறிவிட்டீங்களா? சமீபத்தில் கோவிலுக்கு போய் அங்கப்பிரதட்சணம் செய்தீர்கள் என்று பார்த்தோம்…” என கேட்டார்.
அதற்கு மனோ நிதானமாகவும் தரமாகவும் பதிலளித்தார்:
“நானா? நான் பாடகர் — எல்லாருக்கும் சொந்தம். நான் இந்து, நான் முஸ்லிம், நான் கிறிஸ்துவர்.
எல்லா இடத்துக்கும் போவேன். என் பாடலை எல்லா மதத்தினரும் கேட்கிறார்கள். எல்லா மதமும் எனக்கு சமம்.
அதுக்கும் மேல, நான் முதலில் மனிதன்!”
மனோவின் இந்த பதில் இணையத்தில் வைரலாகி, அவரின் தன்னம்பிக்கை, தாராள மனப்பான்மையை பாராட்டி ரசிகர்கள் குவியலாக கமெண்ட் செய்து வருகின்றனர்.
Summary :
When asked about changing religion, Singer Mano gave a classy reply — “I am Hindu, Muslim, Christian… but above all, I’m human.”
