0
0
தமிழ் புத்தாண்டு, புனித வெள்ளி விடுமுறை.. சொந்த ஊர் செல்லும் பயணிகளுக்கு குட் நியூஸ்!
தமிழ்ப்புத்தாண்டு மற்றும் புனித வெள்ளி விடுமுறையை முன்னிட்டு, தங்கள் சொந்த ஊர்களுக்குச் சென்று திரும்பும் மக்களின் பயணத்தை எளிதாக்கும் வகையில், தெற்கு ரயில்வே ஆறு சிறப்பு ரயில்களை அறிவித்துள்ளது.
இதில் முக்கியமாக, சென்னை சென்ட்ரலில் இருந்து கன்னியாகுமரிக்கு இயக்கப்படும் சிறப்பு ரயில் பயணிகளின் வரவேற்பைப் பெறும் என எதிர்பார்க்கப்படுகிறது.
தெற்கு ரயில்வே வெளியிட்டுள்ள தகவலின்படி, சென்னை சென்ட்ரலில் இருந்து இன்று மற்றும் ஏப்ரல் 17-ஆம் தேதி இரவு 7 மணிக்கு வாராந்திர சிறப்பு ரயில் புறப்பட்டு, மறுநாள் காலை 10 மணிக்கு கன்னியாகுமரியை அடைந்து பயணிகளுக்கு வசதி சேர்க்கவுள்ளது.
அதேபோல், கன்னியாகுமரியில் இருந்து ஏப்ரல் 11 மற்றும் 18-ஆம் தேதிகளில் இரவு 8 மணிக்கு புறப்படும் வாராந்திர சிறப்பு ரயில், அடுத்த நாள் காலை 11 மணிக்கு சென்னை சென்ட்ரலை வந்தடைந்து பயணிகளின் சிரமத்தைப் போக்கும்.
பயணிகளின் வசதிக்காக, சென்னை சென்ட்ரலில் இருந்து கொல்லத்திற்கு வாராந்திர சிறப்பு ரயில் இயக்கப்படவுள்ளது.
இந்த ரயில் ஏப்ரல் மாதம் 12 மற்றும் 19 ஆகிய தேதிகளில் இரவு 11 மணி 20 நிமிடங்களுக்குப் புறப்பட்டு, அடுத்த நாள் மதியம் 3 மணி 30 நிமிடங்களுக்கு கொல்லத்தை சென்றடையும்.
அதேபோல், மறுமார்க்கத்தில் கொல்லத்தில் இருந்து சென்னை சென்ட்ரலுக்கு வரும் சிறப்பு ரயில், ஏப்ரல் மாதம் 13 மற்றும் 20 ஆகிய தேதிகளில் புறப்பட்டு, அடுத்த நாள் காலை 11 மணி 10 நிமிடங்களுக்கு சென்னை வந்தடையும் என்று தெற்கு ரயில்வே அறிவித்துள்ளது.
Summary:
To ease travel during the Tamil New Year and Good Friday holidays, Southern Railway will operate six special trains. Key routes include weekly services between Chennai Central and Kanyakumari (departing Chennai on April 10th & 17th, and Kanyakumari on April 11th & 18th) and Chennai Central and Kollam (departing Chennai on April 12th & 19th, and Kollam on April 13th & 20th).
