அமைச்சர் ஆர். காந்திக்கு திடீர் உடல்நலக்குறைவு: வேலூர் சிஎம்சி மருத்துவமனையில் அனுமதி

தமிழக கைத்தறி மற்றும் துணிநூல் துறையின் அமைச்சர் ஆர். காந்தி திடீரென உடல்நலக்குறைவு ஏற்பட்டதால், வேலூரில் உள்ள சிஎம்சி மருத்துவமனையில் அனுமதிக்கப்பட்டுள்ளார்.

முதல்வர் மு.க. ஸ்டாலின் தலைமையிலான அமைச்சரவையில் உறுப்பினராக உள்ள ஆர். காந்தி, கைத்தறி மற்றும் துணிநூல் துறையைச் சார்ந்த பணிகளை மேற்கொண்டு வருகிறார்.

நேற்று அவர் திடீரென உடல்நலக்குறைவு அடைந்ததைத் தொடர்ந்து, உடனடியாக சிஎம்சி மருத்துவமனைக்கு கொண்டு செல்லப்பட்டார். அங்கு மருத்துவர்கள் தற்போது அவருக்கு தேவையான சிகிச்சையை அளித்து வருகின்றனர். இந்த தகவல் வெளியானதும், அவரது ஆதரவாளர்கள் கவலைடைந்த நிலையில், அவர் விரைவில் குணமடைந்து திரும்புவார் என நம்பிக்கை தெரிவித்து வருகின்றனர்.

அமைச்சருக்கு ஏற்பட்ட உடல்நலக்குறைவின் துல்லியமான காரணம் குறித்து இதுவரை எந்த தகவலும் வெளியாகவில்லை.
ஆர். காந்தி திமுகவின் மூத்த தலைவர்களில் ஒருவராகவும், ராணிப்பேட்டை தொகுதியின் எம்எல்ஏவாகவும் உள்ளார். 1996, 2006, 2011, 2016, 2021 ஆகிய சட்டசபை தேர்தல்களில் ராணிப்பேட்டை தொகுதியில் போட்டியிட்டு தொடர்ந்து வெற்றி பெற்றவர் என்பது குறிப்பிடத்தக்கது.

Summary :

Minister R Gandhi was admitted to CMC Vellore following sudden health discomfort. Doctors report he is stable, and supporters expect a quick recovery.