கரூர் துயரச் சம்பவத்துக்கு பிறகு தலைமறைவாக இருந்ததாக கூறப்படும் தமிழக வெற்றிக் கழக (தவெக) பொதுச் செயலாளர் ஆனந்த், சென்னை நீலாங்கரையில் கட்சித் தலைவர் விஜயை சந்தித்து ஆலோசனை நடத்தியது பெரும் பரபரப்பை ஏற்படுத்தியுள்ளது.
செப்டம்பர் 27 அன்று கரூரில் நடந்த விஜயின் தேர்தல் பிரசாரக் கூட்டத்தில் ஏற்பட்ட கூட்ட நெரிசலில் 41 பேர் உயிரிழந்த சம்பவத்துக்குப் பிறகு, பொதுச் செயலாளர் ஆனந்த், நிர்மல் குமார், கரூர் வடக்கு மாவட்டச் செயலாளர் மதியழகன் உள்ளிட்டோர்மீது வழக்கு பதிவு செய்யப்பட்டது. இதில் மதியழகன் கைது செய்யப்பட்ட நிலையில், ஆனந்த் மற்றும் நிர்மல் குமார் தலைமறைவாக இருந்தனர்.
இருவரும் முன்ஜாமீன் கோரி தாக்கல் செய்த மனு மதுரைக் கிளை உயர்நீதிமன்றத்தில் தள்ளுபடி செய்யப்பட்ட நிலையில், மீண்டும் மனு தாக்கல் செய்து உள்ளனர். இதற்கிடையில், கரூர் வழக்கை சிபிஐ விசாரணைக்கு மாற்றிய உச்சநீதிமன்றம், தமிழக அரசின் அருணா ஜெகதீசன் ஆணையமும் எஸ்ஐடி விசாரணையும் நிறுத்தி வைத்தது.
இந்த நிலையில், ஆனந்த் நீலாங்கரையில் விஜயின் இல்லத்திற்கு வந்து சுமார் 20 நிமிடங்கள் ஆலோசனை நடத்தியதாக தகவல்கள் தெரிவிக்கின்றன. பின்னர் அவர் காரில் புதுச்சேரி நோக்கி புறப்பட்டார்.
Summary:
TVK general secretary Anand, reported missing after the Karur crowd tragedy, secretly met party chief Vijay at his Neelankarai residence for a 20-minute discussion before leaving for Puducherry.
