புதுச்சேரி வில்லியனூர் திருக்காமீஸ்வரர் கோவிலுக்கு ரூ.2 கோடியே 64 லட்சம் மதிப்பில் புதிய தேர் அமைக்கும் பணிக்கான ஆணையை முதலமைச்சர் ரங்கசாமி வழங்கினார்.
விவரம்:
புதுச்சேரி மாநிலத்தின் புகழ்பெற்ற வில்லியனூர் ஸ்ரீ கோகிலாம்பிகை உடனுறை திருக்காமீஸ்வரர் கோவிலில் புதிய தேர் அமைக்க அரசு முடிவு செய்தது. இதற்காக அரசு நியமித்த தொழில்நுட்ப வல்லுநர் குழு மூலம் மதிப்பீடு செய்யப்பட்டது.
மொத்தம் ரூ.2.64 கோடி மதிப்பில் திட்டம் தயாரிக்கப்பட்டு, முதல்வர் ரங்கசாமி மற்றும் தலைமை பொறியாளர் ஒப்புதல் வழங்கினர்.
தகுதியான ஸ்தபதிகள் மற்றும் சிற்பிகளிடமிருந்து விலைப்புள்ளி ஒப்பந்தங்கள் பெறப்பட்டு, 10 பேரில் 2 பேர் தேர்வு செய்யப்பட்டனர். அவர்களில் குறைந்த விலை குறிப்பிட்டிருந்த ஸ்தபதி வரதராஜன் தேர்வு செய்யப்பட்டார்.
சட்டப்பேரவையில் பணி ஆணை வழங்கல்:
தேர்ந்தெடுக்கப்பட்ட ஸ்தபதி வரதராஜனுக்கு, சட்டப்பேரவையில் நேற்று நடைபெற்ற நிகழ்ச்சியில் புதுச்சேரி முதலமைச்சர் ரங்கசாமி பணி ஆணையை வழங்கினார்.
இந்நிகழ்ச்சியில் எதிர்க்கட்சித் தலைவர் இரா. சிவா, தலைமைப் பொறியாளர் வீரசெல்வம், கண்காணிப்பு பொறியாளர் சுந்தரமூர்த்தி, உதவி பொறியாளர் செல்வராசு, தொழில்நுட்ப வல்லுநர் குழு உறுப்பினர்கள், திருத்தேர் திருப்பணிக் குழு மற்றும் கோவில் நிர்வாக அலுவலர் ஆகியோர் கலந்து கொண்டனர்.
Summary :
CM Rangasamy approves and issues a ₹2.64 crore work order for constructing a new chariot for Villianur Thirukameeswarar Temple in Puducherry.
