1
1
பொதுப் போக்குவரத்து, குறிப்பாக ரயில்களில் பெண்களின் பாதுகாப்பை உறுதி செய்யும் விதமாக இந்திய ரயில்வே புதிய சட்டங்களை கொண்டு வந்துள்ளது. இந்த சட்டங்கள், தனியாக பயணம் செய்யும் பெண்கள் மற்றும் குழந்தைகளுடன் பயணிக்கும் பெண்களுக்கான பாதுகாப்பை மேலும் வலுப்படுத்துகின்றன.
பெண்கள் பயண பாதுகாப்பு – முக்கியமான சட்டங்கள்
டிக்கெட் இல்லாமல் பயணிக்கும் பெண்கள்
இந்திய ரயில்வே சட்டம் 1981ன் பிரிவு 139 படி, ஒரு பெண் டிக்கெட் இல்லாமல் பயணம் செய்தாலும், அவரை ரயிலிலிருந்து வலுக்கட்டாயமாக இறக்கிவிட அனுமதி இல்லை. அவளுக்கு அபராதம் செலுத்தி பயணத்தை தொடரும் உரிமை உள்ளது. அபராதம் செலுத்த இயலாத சூழ்நிலையில் கூட, அந்த பெண்ணை ரயிலிலிருந்து இறக்க முடியாது.
பெண்களை ரயிலில் இருந்து இறக்குவதற்கான விதிகள்
எந்தவொரு சூழ்நிலையிலும், ஒரு பெண்ணை ரயிலிலிருந்து இறக்க வேண்டுமானால், அவ்விடத்தில் ஒரு பெண் போலீஸ் அதிகாரி இருப்பது கட்டாயம். மேலும், பிரிவு 162ன் படி, 12 வயதிற்கு குறைந்த ஆண் குழந்தைகள் தாயுடன் பெண்கள் வசிப்பிட பகுதியில் பயணிக்கலாம். ஆனால் 12 வயதிற்கு மேற்பட்ட ஆண்களுக்கு அனுமதி இல்லை.
இராணுவ வீரர்களுக்கான கட்டுப்பாடுகள்
1989ன் ரயில்வே சட்டம், பிரிவு 311ன் படி, இராணுவ வீரர்கள் மற்றும் பாதுகாப்புப் பிரிவினர் பெண்கள் பயணிக்கும் பிரிவுகளில் நுழைய அனுமதி இல்லை. இதேபோல், நீண்ட தூர ரயில் பயணங்களில், ஸ்லீப்பர் வகுப்பில் மற்றும் ஏசி மூன்றாம் தர வகுப்பில் ஆறு இருக்கைகள் பெண்களுக்கு ஒதுக்கப்பட்டிருக்க வேண்டும்.
பெண்கள் பாதுகாப்புக்காக உள்ள கூடுதல் ஏற்பாடுகள்
ரயில்களில் சிசிடிவி கேமராக்கள் பொருத்தப்பட்டுள்ளன, இதன் மூலம் பாதுகாப்பு கண்காணிப்பு தொடர்ச்சியாக மேற்கொள்ளப்படுகிறது.
யாராவது பெண்களை துன்புறுத்தினால், உடனடியாக புகார் செய்ய சிறப்பு தொலைபேசி எண்கள் மற்றும் இணைய வழி முறை உள்ளது.
சமூக ஊடகங்களில் இந்திய ரயில்வே அல்லது ரயில்வே அமைச்சரின் அதிகாரப்பூர்வ கணக்குகளை குறிப்பிட்டு கூட புகார் அளிக்கலாம்.
இந்த புதிய பாதுகாப்பு சட்டங்கள், பெண்கள் பயணிக்கும் போது அவர்களின் உரிமைகளையும் பாதுகாப்பையும் உறுதி செய்யும் வகையில் அமைகின்றன.
