கோவை: கோவை மாவட்டம் சூலூர் அருகே செஞ்சேரி கிராமத்தில், பொது மயானத்தை பட்டியலின சமூகத்தினர் பயன்படுத்த அனுமதிக்காமல், இரும்பு வேலி அமைத்த விவகாரம் உயர்நீதிமன்றம் வரை சென்றது.இந்த வேலியை உடனடியாக அகற்ற வேண்டும். மார்ச் 19க்குள் அறிக்கை தாக்கல் செய்ய வேண்டும் என்று சென்னை உயர்நீதிமன்றம் கோவை மாவட்ட ஆட்சியருக்கு கடும் உத்தரவு பிறப்பித்துள்ளது.
என்ன நடந்தது?
செஞ்சேரி கிராமத்தில் 4 ஏக்கர் பரப்பளவில் பொது மயானம் உள்ளது.
ஆனால், ஒரு குறிப்பிட்ட சாதியினர் மட்டுமே அந்த மயானத்தை பயன்படுத்துகிறார்கள்.
பட்டியலின சமூகத்தினர் இறுதிச்சடங்கு செய்ய அனுமதிக்கப்படவில்லை.
மழைக்காலங்களில் அவசரத் தேவைக்காக அவர்கள் அருகிலுள்ள குளத்தில் இறுதி சடங்குகளை செய்யும் நிலை ஏற்பட்டுள்ளது.
இந்த விவகாரம் தொடர்பாக கிராம சபையில் முறையிட்டும் எந்த நடவடிக்கையும் எடுக்கப்படவில்லை.
அதற்கு பதிலாக, கிராம திட்ட வளர்ச்சி அதிகாரி ரூ.6.8 லட்சம் செலவில் மயானத்தை சுற்றி இரும்பு வேலி அமைத்து கொடுத்துள்ளார்.
உயர்நீதிமன்றத்துக்கு தொடரப்பட்ட வழக்கு
இந்த அநீதியை எதிர்த்து, செஞ்சேரியைச் சேர்ந்த வழக்கறிஞர் சூரியகுமார் சென்னை உயர்நீதிமன்றத்தில் வழக்கு தொடர்ந்தார்.வழக்கு விசாரணையில், மனுதாரர் தரப்பில் வழக்கறிஞர் அசோக் ஆஜராகி,
“பொது மயானம் என்பதால் அனைவருக்கும் பயன்பட வேண்டும்”
“குறிப்பிட்ட சாதியினர் மட்டுமே பயன்படுத்தும் வகையில் அமைக்கப்பட்ட இரும்பு வேலியை உடனடியாக அகற்ற வேண்டும்” என வலியுறுத்தினார்.நீதிபதி பரத சக்கரவர்த்தி இந்த கோரிக்கையை ஏற்று,
“மார்ச் 3க்குள் இரும்பு வேலிகளை அகற்ற வேண்டும்”
“மார்ச் 19க்குள் மேற்கொண்ட நடவடிக்கைகள் குறித்து அறிக்கை தாக்கல் செய்ய வேண்டும்” என கோவை மாவட்ட ஆட்சியர், சூலூர் தாசில்தாருக்கு கடும் உத்தரவு பிறப்பித்தார்.
நீதி கிடைக்குமா? எதிர்பார்ப்பு மேலொளி!
இந்த உத்தரவுக்கு பின்பாக, அதிகாரிகள் என்ன நடவடிக்கை எடுக்கப்போகிறார்கள் என்பது அனைவரது கவனத்திலும் இருக்கிறது.மயானத்திலும் தீண்டாமை தொடரும் என நினைத்தவர்கள் இனி சட்டத்திற்குள் கொண்டு வரப்படுவார்களா?
நீதிமன்ற உத்தரவை அரசு நிர்வாகம் எவ்வளவு விரைவாக அமல்படுத்தும்?இது அனைத்தும் சமூக நீதிக்கு ஒரு மிகப்பெரிய பரிசோதனையாக மாறியுள்ளது.
